Аксубайда «Уяну» экологик фестивале үтте

2023 елның 18 мае, пәнҗешәмбе

А.Гуляев исемендәге скверда «Уяну» экологик фестивале узды. Ел саен бу акция иң актив укучыларны һәм экологиягә битараф булмаган район халкын берләштерә. Традицион бәйрәмдә ТР Экология министрлыгының Идел-Кама территориаль идарәсе башлыгы Рафис Әхмәтҗанов та катнашты. Кунаклар өчен мастер-класслар, интеллектуаль уеннар, бай һәм кызыклы мәдәни программа оештырылды. Моннан тыш, балалар сәнгать мәктәбенең яшь талантлары экомоданы күрсәттеләр, икенчел чималдан  эшләнгән костюмнар коллекциясен тәкъдим иттеләр.

Экологик фестиваль халыкның игътибарын әйләнә-тирә мохитне саклауга һәм республика флорасын һәм фаунасын саклауга җәлеп итү максатыннан үткәрелә. Бәйрәмне оештыручылар Үзәкләштерелгән китапханә системасы коллективы.