Түбән Камада сәүдәгәр Стахеевларның ак чыршы аллеясын яңадан торгызалар
Кызыл ачкыч (Красный ключ) бистәсе районындагы урман массивында 50 ак чыршы утырттылар. Алар кайчандыр шушы урманда үскән һәм һәлак булган ак чыршыларны тулыландырганнар. Түбән Кама урманчылыгында тарихи аллеядан бердәнбер ак чыршы калган, аннан яшь үсентеләр утыртыла башлаган. Акциягә ТР Экология министрлыгының Кама аръягы территориаль идарәсе экологлары да кушылды. Агачлар Түбән Камадан Кызыл ачкычка кадәр йөреп кайту юлларын буена утыртылды. Ак чыршыларны Киров өлкәсеннән китергәннәр, аларны Түбән Кама урманчылыгы карап тотачак.
«Сәүдәгәр Стахеевларның ак чыршы аллеясы» — әйләнә-тирә мохитне саклау өлкәсендә автоном коммерцияле булмаган «ЭкоМир» оешмасының «Урман сакчылары» проектының төп идеясе.Аның максаты-Түбән Кама районының Кызыл ачкыч бистәсе территориясендә мәдәни мирас объектын торгызу. Бу тарихи һәм экологик проект СИБУРның «Игелекле эшләр формуласы» социаль инвестицияләр программасының җирле инициативалар грант конкурсында җиңүче булды.