Яшь татарстанлылар - «Экоплакат» конкурсы лидерлары

2023 елның 2 мае, сишәмбе

Татарстанда «ЭКОяз 2023»  үзәк республика өмәсе барышында 2022 елда Табигатьтән рациональ файдалану фондының «Утильләштерү мәктәбе: электроника» Федераль экологик программасы кысаларында узган «Экоплакат» конкурсы лидерларын бүләкләү узды. Укучыларга дипломнар, смартфоннар һәм Samsung планшеты, һаваны дымландыручылар һәм «Хранимиры» китаплары, ә педагогларга ТР Экология һәм табигать   ресурслары министрлыгының экологик агартуга керткән өлешләре өчен Рәхмәт хатлары тапшырылды.

 ««Утильләштерү мәктәбе: электроника» программасы безнең республикада бер елдан да азрак гамәлдә, әмма ул халыкка шулкадәр ошады ки, татарстанлылар 60 тоннадан артык электр сыныгы җыйды. Программада безнең балалар бакчалары, мәктәпләр, бюджет оешмалары актив катнаша», - дип билгеләп үтте Республиканың Экология һәм табигать ресурслары министры Александр Шадриков.

Табигатьтән рациональ файдалану фонды Советы Рәисе Владимир Аленцин билгеләп үткәнчә, республика Татарстанда 2022 елда старт алган «Утильләштерү мәктәбе: электроника» программасын гамәлгә ашыруда актив катнаша һәм югары нәтиҗәләр күрсәтә.

«Республиканың төрле яшьтәге кешеләренең реаль экологик эшчәнлеккә җәлеп ителүе сөендерә. Искергән электроника җыю буенча түләүсез акцияләр бюджет оешмалары хезмәткәрләре инициативасы буенча гына түгел, ә ата-аналар, мәктәп укучылары инициативасы буенча да уза, хәтта балалар бакчаларында тәрбияләнүчеләр дә катнаша! «Экоплакат» конкурсының да мәгариф учреждениеләрендә зур кызыксыну уятуы гаҗәп түгел. Без экологик агарту эшенең мондый форматы кирәклеген күрәбез, шуңа күрә конкурс быел да дәвам итәчәк», - дип өстәде Владимир Аленцин.

«Экоплакат» конкурсы җиңүчеләре:

Сафонова Таисия Викторовна, 1 сйныф – Түбән Кама шәһәренең  «37 нче күппрофильле лицее»

Юмаева Ландыш Фирдәүс кызы, 5 сыйныф  - Минзәлә районының Югары Тәкермән гомуми белем бирү  мәктәбе  

Домаркас Елизавета Сергеевна, 2 сыйныф -  Нурлат районының Иске Чаллы урта гомкми белем бирү  мәктәбе

Лонгинов Даниил Кириллович, 4 сыйныф – ""Адымнар-Чаллы" 59 нчы полилингваль гимназиясе 

Чукавина Нелли Сергеевна, 10 сыйныф – Әгерҗе районының Көчек урта гомуми белем бирү мәктәбе

2023 елда Татарстан Республикасы территориясендә «Үтильләштерү мәктәбе: электроника» программасына кушылган белем бирү учреждениеләре укучылары өчен «Экоплакат» конкурсы дәвам итәчәк. Укучыларга катнашу өчен яшьтәшләренә һәм ата-аналарына электрон калдыкларны чыгару көнендә утильләштерүгә техника алып килергә, ә педагогларга мәктәптә эш күргәзмәсе оештырырга, аның фотоларын сайтта, социаль челтәрләрдә урнаштырырга чакыручы плакат әзерләргә кирәк. Аннары анкетаны тутырыгыз һәм эш белән бергә электрон почтага җибәрегез info@eko-fond.ru «Экоплакатлар конкурсы» билгесе белән. Нәтиҗә ясаганда сәнгатьлелек кенә түгел, ә мотивацияле плакатның нәтиҗәлелеге дә бәяләнәчәк. Җиңүчеләр өчен призга -  Samsung планшетлары.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International