Буа районы экологлары һәм укучылары күчмә кошлар өчен яңа оялар элделәр
ТР Экология министрлыгының Идел аръягы территориаль идарәсе инспекторлары һәм ТР Биоресурслар буенча дәүләт комитеты хезмәткәрләре М.М. Вахитов исемендәге гимназия юннатлары белән декабрист В.П.Ивашев исемендәге паркта сыерчык оялары элгәннәр.
Безгә көньяктан кайтучы сыерчыкларны беренче «яз хәбәрчеләре» дип атыйлар. Алар кар эри башлау белән кайталар. Канатлы дуслар өчен 7 сыйныф укучылары махсус оялар ясаганнар.
Идел аръягы территориаль идарәсе хезмәткәрләре укучыларга күп кенә сыерчыкларның үз ояларында яшәр өчен туган җирләренә кайтулары турында сөйләделәр. Яшь сыерчыклар исә яңа оялар эзлиләр, алар өчен балалар сыерчык оялары ясап элделәр.
Шулай ук экологлар кошларга уңайлы булсын өчен, сыерчык ояларында нинди материаллар һәм зурлыклар булырга тиешлеген аңлаттылар. Мондый чаралар кошларның яшәү урыннарын сакларга ярдәм итә, шулай ук укучыларга кошлар турында һәм аларның әйләнә-тирә мохитне сакларга ничек ярдәм итә алулары турында күбрәк белергә мөмкинлек бирә.