Суд хокук бозучыны табигатькә китерелгән зыян өчен 6 млн сумнан артык түләргә мәҗбүр итә
Казан шәһәренең Мәскәү район суды хокук бозучыны әйләнә-тирә мохиткә китерелгән зыянны капларга мәҗбүр итте. Элегрәк Экология министрлыгының Үзәк территориаль идарәсе адресына «Халык контроле» системасы аша Биектау районының Шигали авылында рөхсәтсез чүплек турында мөрәҗәгать килгән иде. Инспекторлар урынга чыктылар, аның барышында табигатьне саклау кагыйдәләрен бозу факты раслана. Төзелеш чүп-чарлары 46 кв.м мәйданлы территорияне чүпләп бетергән, чүплекнең күләме 115 куб. м тәшкил иткән. шул вакытта җир кишәрлеге хуҗасына табигатьне саклау законнарының мәҗбүри таләпләрен бозуга юл куймау һәм бозуны бетерү турында кисәтү бирелгән. Әмма хокук бозучы почта аша җибәрелгән кисәтүне алмаган. Үзәк территориаль идарә белгечләре территорияне тикшерү өчен кабат чыгалар. Ачыкланганча, элек ачыкланган бозулар төзәтелмәгән генә түгел, ә чүплек тагын да зурайган. Аның мәйданы 255 кв.м. тәшкил итә, ә күләме 318 куб. м. Экологлар тарафыннан әйләнә-тирә мохиткә китерелгән зыян исәпләнә һәм күрсәтелә. Сумма 6 млн 733 мең сум тәшкил итә. Гаепле кеше дә дәгъваны алмаган. Ул вакытта Экология министрлыгы инспекторлары Казан шәһәренең Мәскәү район судына дәгъва гаризасы белән мөрәҗәгать иттеләр. Экологларның дәгъва таләпләре тулысынча канәгатьләндерелде.