«Экология - традицияләрдә» рәсем конкурсы старт алды
«Экология - традицияләрдә» республика экологик рәсемнәр конкурсы башланды. Оештыручы - ТР Экология һәм табигать ресурслары министрлыгы. Төп максат балалар һәм яшьләрнең игътибарын әйләнә-тирә мохитне саклау проблемаларына җәлеп итү, экологик һәм гражданлык патриотик тәрбия чарасы буларак сәнгать иҗатының ролен арттыру.
Конкурста мәктәпкәчә яшьтәге балалар һәм 1-11 сыйныф укучылары катнаша ала. Конкурста катнашучының рәсеме конкурсның төп тематикасына һәм түбәндәге темаларга туры килергә тиеш:
-«Планетаның яшел киләчәге»,
-«Туган якның тыюлык почмаклары»,
-«Су дөньясы»
- «Йорт хайваннары»
Катнашу өчен иҗат эшләрен 30 апрельгә кадәр Министрлыкның территориаль идарәләренә җибәрергә кирәк. Район сайлап алуыннан үткән эшләр 1-30 майда узачак республика этабына чыгачак. Җиңүчеләр дипломнар һәм истәлекле бүләкләр белән бүләкләнәчәк. Конкурсның нигезләмәсе белән сылтама буенча танышырга мөмкин https://eco.tatarstan.ru/respublikanskiy-konkurs-ekologicheskih-risunkov.htm