Бүген «Юл хәрәкәте яшь инспекторлары» хәрәкәте 50 еллык юбилеен билгеләп үтә. Махсус бу көнгә безнең белгечләр Татарстан районнарында дәресләр үткәрде
Бүген үзенең 50 еллык юбилеен «Юл хәрәкәте яшь инспекторлары» Бөтенроссия балалар-яшүсмерләр оешмасы билгеләп үтә. Махсус бу көнгә ТР Экология министрлыгының территориаль идарәләре хезмәткәрләре экологик дәресләр үткәрделәр, анда балаларга юлда экологик тәртип кагыйдәләре турында сөйләделәр. Юллардагы иминлек – ул уртак кайгырту.
Төньяк территориаль идарә белгечләре Арча районының Сеҗе һәм Сикертән мәктәпләрендә булдылар. Юл хәрәкәте яшь инспекторлары отрядлары юлларда һәм уен формасында үз-үзеңне тоту кагыйдәләренә багышланган иҗат программасы белән чыгыш ясады. Ә экологлар балаларга «Чиста һава» операциясенең ни икәнен сөйләделәр һәм һава пробаларын сайлап алу җайланмасын күрсәттеләр.
Ә Чаллы шәһәренең 22 нче мәктәбендә 2 нче сыйныф укучылары - «Табигать дуслары берлеге» балалар иҗтимагый оешмасы активистлары өчен «Яшь экологлар - юл хәрәкәте кагыйдәләрен белүчеләр» интеллектуаль уены узды. Чараның кунаклары - Кама буе территориаль идарәсе экологлары. Алар укучыларга юл хәрәкәте кагыйдәләре, машина газлары һәм автомобильләрнең әйләнә-тирә мохитне пычратуы турында сөйләделәр.
Дәрес тәмамлангач, балалар барысы да ТР Экология һәм табигать ресурслары министрлыгыннан истәлекле бүләкләр алды.