Экологлар Казанда һәм Татарстан районнарында контейнер мәйданчыкларының чүпләнүен ачыклаган
Төбәк операторы тарафыннан калдыкларны вакытында чыгармауга шикаятьләр күп булу сәбәпле, ТР Экология һәм табигать ресурслары министрлыгы белгечләре, Росприроднадзорның Идел-Кама төбәкара идарәсе хезмәткәрләре белән берлектә, Казанда һәм якын-тирә районнарда контейнер мәйданчыкларына мониторинг үткәрделәр.
Мониторинг барышында контейнер мәйданчыкларын чүпләүнең берничә очрагы ачыкланган. Казанның Совет районында гына да шундый 5 адрес билгеләнгән, рөхсәт ителмәгән калдыклар күләме биредә 49 кубометр тәшкил иткән. Казанның Идел буе һәм Киров районнарында мәйданчыкларны чүпләү фактлары бар. Шулай ук чүп чыгаруда проблемалар булган 4 адрес Лаеш районында һәм 2 адрес Питрәч районында теркәлгән.
Экологлар сүзләренчә, контейнер мәйданчыкларын чүпләүнең сәбәбе - калдыкларны үз вакытында чыгармау, нәтиҗәдә халык чүп-чарны контейнерлар янында калдырырга мәҗбүр.
Табигатьне саклау буенча хокук бозуларның фактларына тикшерү актлары төзелгән. Барлык материаллар да Татарстан Республикасы буенча Росприроднадзорның Идел-Кама төбәкара идарәсенә тапшырыла.