«Һәрвакыт булсын кояш!» Кызыл Байрак бистәсеннән килгән балалар экологлар белән бергә «Эко-кояш» эстафетасында катнаштылар
Югары Ослан районының Кызыл Байрак поселогының яшьләре экология дәресләрендә табигать турында белемнәрен тулыландырдылар. Экология министрлыгының Үзәк территориаль идарәсе инспекторлары балалар белән бергә әйләнә-тирәлекне саклауның мөһим мәсьәләләрен уен формасында карадылар. Белгечләр «Эко-кояш» эстафетасы үткәрделәр. Балаларга дүрт сектор буенча сорауларга җавап бирергә кирәк иде: яшел секторда – үсемлекләр, көрән секторда - җир, шәмәхәдә- табигать күренешләре һәм зәңгәр секторда – су урындагы сораулар. Һәр дөрес җавап өчен катнашучылар үзләренең эко-кояшларын бизәргә нурлар алдылар. Бу махсус чарага балалар «Җир – безнең йортыбыз» дип исемләнгән театральләштерелгән тамаша да әзерләделәр, анда кешенең табигатькә нинди тискәре йогынты ясавы турында сөйләделәр. Актив катнашканнары өчен балаларны дипломнар белән һәм махсус экология темасына буяу китаплары белән бүләкләделәр.