Экологлар Әлмәттә буалар каскады территориясен тикшерде

2022 елның 10 июне, җомга

Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары һәм лаборатория белгечләре «Каскад буалар» паркында сулыкта пленка булуы турында социаль челтәрләрдән алынган хәбәр буенча Шевченко урамындагы Буалар каскадының 1 нче чираты территориясен тикшерделәр. Экологлар су пробаларын алды. Анализ нәтиҗәләре буенча пычраткыч матдәләрнең рөхсәт ителгән концентрацияләренең рөхсәт ителгән чик микъдарны арттырып җибәрүе ачыкланмады.

Республика халкын борчыган күренеш – үсемлекләрнең чәчәк атуы нәтиҗәсе. Су объекты өслегендә үсемлекләр органикасы күзәтелә. Буалар каскадының бер өлеше яшел зонада урнашкан, һәм вегетация чорында биредә һавадагы тузан концентрациясе зур була. Яңгыр яугач ул утыра һәм йөзеп йөргән тышча кебек күренә.