Тимер юл буйларына рейдлар ясаганда, экологлар 69 санкцияләнмәгән чүплек булуын ачыклады
Бүген Министрлыкның Үзәк территориаль идарә инспекторлары, санитария-экология икеайлыгы кысаларында, Горький тимер юлы, Табигатьтән файдалану өлкәсендәге күзәтчелек буенча федераль хезмәтнең Идел-Кама төбәкара идарәсе, Казан районара табигатьне саклау прокуратурасы, район администрацияләре һәм Урман хуҗалыгы министрлыгы хезмәткәрләре белән берлектә, «Россиянең тимер юллары» ААҖ караган полосаларны тикшерде.
Рейд барышында тимер юл буйларында 69 чүплек барлыгын ачыклыйлар.
Шулай итеп, ТР Биектау районы территориясендә - 2, Зеленодольск районында 14 чүплек барлыгы ачыкланган. Казан тирәсендә 55 рөхсәтсез чүп ташлау урыны барлыгы ачыклана. Совет районында - 14, Мәскәү һәм Киров районында - 24, Идел буе районында - 6, Авиатөзелеш районында - 11 чүплек бар. Исегезгә төшерәбез, тикшерүчеләр Казан - Биектау - Восстание - Зөя - Казан маршруты буенча узды.
Ачыкланган барлык фактлар буенча да район администрациясе җитәкчеләренә табигатьне саклау законнарын бозуларны бетерү турындагы хатлар җибәреләчәк.