Казан Милли Технологик тикшеренүләр университетында Бөтенроссия конкурсына йомгак ясалды

Бүген Казан Милли Технологик тикшеренүләр университетында “Пластмасс, шул исәптән полиэтиленрефталат эшләнмәләрне утилизацияләү һәм икенчел эшкәртү өлкәсендәге идеяләрнең Бөтенроссия конкурсына” йомгак ясалды. Җиңүчеләрне бүләкләү тантанасында Экология һәм табигый байлыклар министрының беренче урынбасары Рөстәм Камалов та катнашты. Аның әйтүенчә, Казан Милли Техноогик тикшеренүләр университеты, конкурсантларны бөтен Россиядән – Санкт-Петербургтан алып Камчаткадагы Петропавловскига кадәр арадан җыеп, үзенең “милли” дигән исемен аклады. Экологик культура һәм әйләнә-тирәлекне саклау елында, конкурсның максатына – пластмасс, барыннан элек полиэтилен калдыкларын тирән эшкәртүдәге инновацион, технологик һәм оештыру чараларын популярлаштыруга ирешелде. Рөстәм Камалов шулай ук конкурсны оештыру һәм үткәрүгә бизнес структураларын җәлеп итүне, аларның исә конкурста җиңүчеләргә ярдәм итү, яшь галимнәрнең идеяләрен арытаба үстерү һәм тормышка ашыру белән кызыксынуын уңай тәҗрибә дип бәяләде.
Конкурс 2013 елның мартында башланган иде. Анда студентлар, аспирантлар, иҗат коллективлары һәм аерым авторлар үзләренең пластик эшләнмәләрне яңадан эшкәртү өлкәсендәге фәнни-техник проектларын тәкъдим иттеләр.
Конкурс кысаларында фән һәм гамәл даирәләре, хакимият органнары һәм экологик җәмәгатьчелек вәкилләреннән торган экспертлар советы төзелде, ул исә 1 июньнән 15 июньгә кадәр ике атна эчендә проектларга экспертиза ясап, иң кызыклы һәм потенциаль яктан отышлы булган проектлар тапшырган 3 җиңүчене билгеләде.

1нче урын – Мәдинә Кәлимуллинаның һәм Анна Федорчукның “Икенчел полиэтилентерефталат нигезендә тавыш һәм җылылык изоляцияли торган күбекле композиция алу ысулын әзерләү” эше;
2нче урын – Алексей Кошкаревның “ПЭТ шешәләрне дулкынлы структуралы фибрага әверү” эше;
3нче урын – Татьяна Богачеваның һәм Марина Цыганованың “ПЭТФны микродулкынлы нурланыш йогынтысында кыйммәтле продуктларга әверү” эше.
Конкурска эшләр бөтен Россиядән җибәрелде. Анда катнашучыларның географиясе: Татарстан Республикасы – Казан, Чистай һәм Түбән Кама; Тольятти; Хатны-Манси автономияле округы – Югра, Түбән Варта ш.; Адыгея Республикасы – Майкоп ш.; Киров өлкәсе – Кирово-Чепецк ш.; Ростов өлкәсе – Новочеркасск ш.; Санкт-Петербург; Камчатка крае – Камчаткадагы Петропавловск ш.; Саранск, Мәскәү; Краснояр крае – Березовка авылы.; Оренбург; Хакасия Республикасы – Абакан ш..