«Фән экология өлкәсендәге барлык программа һәм проектлар өчен нигез һәм таяныч булып тора». Ольга Манидичева бүген журналистларга декарбонизацияләү буенча республика программасы турында сөйләде

ТР Экология һәм табигать ресурслары министры урынбасары үз чыгышында билгеләп үткәнчә,  углерод нейтральлегенә ирешү хәзерге вакытта халыкара тренд булып санала. Россия Федерациясе инде бу трендка кушылды, шулай булгач, Татарстан Республикасы да моннан читтә кала алмый. «Бүгенге көндә иң мөһим мәсьәләләрнең берсе көннәрнең җылытуы һәм климат үзгәреше белән бәйле. Куркынычлыкны киметү өчен инде бүгеннән үк сәнәгать секторының парник газларын бүлеп чыгаруын киметергә, шул ук вакытта барлык киң кулланылыштагы ысуллар һәм чаралар ярдәмендә СО2 йотылуын тәэмин итү турында уйланырга кирәк. Декарбонизация бу ике төп юнәлеш буенча чаралар күрергә мөмкинлек бирә торган карарлар эзләүне күз уңында тота. Республикада булдырыла торган программаның максаты – углерод нейтральлегенә ирешү» - дигән фикере белән Ольга Манидичева углерод нейтральлегенә ирешү буенча республика программасына аеруча басым ясады. Төп сигез юнәлештән торган исемлек формалаштырылды. Моңа водород энергетикасын үстерү, гамәлдәге энергия комплексын модернизацияләү һәм торгызыла торган энергетиканы алга җибәрү, нефть чыгару һәм нефть эшкәртү тармагын декарбонизацияләү, электр транспортына күчү кебек чаралар керә. Программада парник газларының йотылу күләмен арттыру, һавага чыгарыла торган пычраткыч матдәләрне тикшерү чаралары каралган. Программаны 2022 ел ахырына төгәлләргә тиешләр. ТР Экология һәм табигать ресурслары министрлыгы каршында ведомствоара эшче төркем оештырылды, анда фәнни җәмәгатьчелек, алдынгы сәнәгать предприятиеләре, министрлык һәм ведомство вәкилләре керә. Программа 2050 елга кадәр эшләячәк. Аның төп максаты – 2030 елга кадәр парник газларының чыгарылуын 40% ка киметү. 2050 елга республика тулы углерод нейтральлегенә ирешергә тиеш.