Экология – ул модалы булу дигән сүз! Казан балалар бакчаларында тәрбияләнүчеләр хәзер бу хакта белә
«115 нче номерлы балалар бакчасы» муниципаль бюджет мәктәпкәчә белем бирү учреждениесендә тәрбияләнүчеләр гадәти булмаган киемнәрдән дефиле әзерләде. Кечкенә модельләр полиэтилен пакетлар, кәгазь, чүп өчен төрле төстәге капчыклар, иске дисклар һәм тартмалар кебек ташландык материаллардан ясалган киемнәр тәкъдим итте. Балалар роботлар, ковбойлар, супергеройлар һәм принцессларга әйләнеп, әти-әниләре белән бергә ясаган эксклюзив киемнәрен күрсәтү өчен импровизацияләнгән подиумга чыкты. Татарстан Республикасы Экология һәм табигать ресурслары министрлыгының Үзәк территориаль идарәсе белгечләре чарада жюри буларак катнашты. «Балаларның киемнәре төрле, гадәти түгел һәм кызыклы килеп чыккан. Мондый чаралар экология культурасы нигезләрен, танып-белү һәм сәнгать-иҗат эшчәнлеге вакытында табигатькә сакчыл караш тәрбияләүгә ярдәм итә» - дип билгеләп үтә Үзәк территориаль идарә экологлары.