Нәни экологларның карлы каласын үзегез ясагыз!
Бүген иң яхшы карлы шәһәр буенча Бөтенроссия конкурсы башланып китте. Барыгызны да катнашырга чакырабыз. Конкурс Россия төбәкләренең мәктәпкәчә белем оешмалары һәм мәктәпләре арасында 2021 елның 26 ноябреннән 2022 елның 31 мартына кадәр уздырыла. Оештыручылар: Федерация Советының Фән, мәгариф һәм мәдәният комитеты, Россия Федерациясе Табигать ресурслары министрлыгы, «Эколята-Дошколята», «Эколята» һәм «Табигатьнең яшь сакчылары» бөтенроссия табигатьне саклау социаль-белем бирү проектлары программа комитеты.
Проектның максаты – Россия төбәкләренең мәктәпкәчә мәгариф оешмаларында һәм мәктәпләрендә экологик белем бирү, экологик культура һәм агартуны алга таба үстерү, тәрбияләнүчеләрдә табигатькә карата кыйммәтле мөнәсәбәтләр системасын һәм балаларда табигатькә карата мәхәббәт хисен үстерү һәм, нәтиҗәсе буларак, аңа карата сакчыл караш булдыру.
Конкурс 3 этаптан тора:
- 1 этап (муниципаль) – мәктәпкәчә мәгариф оешмаларында һәм мәктәпләрдә «Яшь экологларның карлы шәһәрчекләре»н булдыру;
- 2 этап (региональ) – региональ дәрәҗәдә «Яшь экологларның карлы шәһәрчекләре» презентацияләрен карау һәм Россия Федерациясе субъектларында җиңүчеләрне билгеләү;
- 3 этап (федераль) – федераль дәрәҗәдә «Яшь экологларның карлы шәһәрчекләре» презентацияләрен карау һәм конкурста җиңүчеләрне, призерларны һәм лауреатларны билгеләү.
Бәйгенең мәҗбүри шарты – карлы шәһәрчекләрдә әкият геройлары Эколятлар – Табигать дуслары һәм сакчылары (Умница, Шалун, Тихоня һәм Чыршыкай), шулай ук уен элементлары һәм мәйданчыклары, төрле кар конструкцияләре, йортлар, таучыклар, баскычлар һәм сыннар) булырга тиеш. «Эколята» логотибы һәм әкият геройлары булган Эколятлар – Табигать дуслары һәм сакчыларының образлары www.эколята.рф сайтында урнаштырылган.
Тулырак мәгълүмат Нигезләмәдә.