Мәскәүдә республика җитәкчелеге Александр Козлов белән очрашты
ТР Президенты Рөстәм Миңнеханов һәм ТР экология һәм табигать ресурслары министры Александр Шадриков Мәскәүгә эш сәфәре кысаларында Россиянең табигать ресурслары һәм экология министры Александр Козлов белән очрашты. Очрашуның төп мәсьәләләреннән берсе проектларны Экологик үсеш һәм климаттагы үзгәрешләр өлкәсендә федераль фәнни-техника программасына кертүгә багышланды. Аерым алганда, «Сәнәгый шәһәрләр экологиясе» өлкәсендә тәкъдимнәр җыелмасын үз эченә алган проект эше турында сүз барды, дип хәбәр ителә Россия Федерациясе Табигать ресурслары һәм экология министрлыгы сайтында.
Александр Козлов билгеләвенчә, федераль фәнни-техника программасы чараларының Федераль фәнни-техника программасы чараларын гамәлгә ашыру советы президиумы утырышында каралачагын билгеләп үтте. Киңәшмә октябрь урталарында узар дип планлаштырыла. Әлеге фикер хупланган очракта, ул Россия Президенты каршындагы Фән советында каралачак.
Шулай катнашучылар Куйбышев сусаклагычы эшен җайга салу мәсьәләсенә дә кагылды. Рөстәм Миңнеханов сүзләренә караганда, су саегу күренешләрен булдырмау өчен Жигулев гидроүзәге аша җибәрелә торган су күләмен киметергә кирәк. Россия Федерациясе Табигать ресурслары һәм экология министрлыгы җитәкчесе хәбәр иткәнчә, Идел-Кама каскады сусаклагычларының эш режимнарын җайга салу буенча ведомствоара эш төркеме карары нигезендә 10 октябрьгә кадәр гидроүзәкләрдән су чыгару күләмен 5300 м3/с башлап 4700+100 м3/с кадәр киметелгән эш режимы буенча эшләячәк.
Очрашуда республика территориясендәге зыян килгән объектларны бетерү мәсьәләсе дә каралды. «Чиста ил» федераль проекты кысаларында Татарстанда ике аеруча куркыныч объект бетерелгән, федераль бюджет 510 млн.сумнан артык акча бүлеп биргән. Ә ел ахырына кадәр тагын ике – «Минзәлә» һәм «Прости» чүплекләрендә эшләр тәмамланачак», – дип билгеләп үтте Александр Козлов.