ЯҢАЛЫКЛАР

Түбән Кама балаларының экология-биология үзәге бу көннәрдә “Табигать һәм без” IV рес¬публика экология фестивален үткәрә. Максаты – мәктәп балаларының социаль актив¬лыгын, эшчәнлеген, хезмәттәшлеген үстерү, аларда дөньяга экологик караш фор¬ма-лаштыру. Конкурста Татарстанның 1 11 класс укучылары катнаша.
Ул шундый номинацияләр буенча үткәрелә:
– табигатьтә ял итү өчен җиһазлар һәм җайланмалар;
– кулланышта булган әйберләр белән аңлы эш итүне чагылдыручы фотолар. Темасы: “Чүп-чар – үз урынында үз вакытында кирәкле санда булмаган нәрсә ул”;
– экологик плакатлар һәм роликлар күргәзмәсе;
– иске киемнәрне яңарту;
– кеше һәм табигать файдасына техник табышлар. Иске-москыдан ясалган яңа әйберләр,

Бүген Татарстан Экология һәм табигый байлыклар министрлыгының Үзәк махсуслашкан аналитик контроль инспекциясендә Идел-Кама территориаль идарәсе СИАК белгечләре өчен техник уку үткәрелде. Чараның максаты – СИАК белгечләрен 2015 елгы аккредитациягә әзерләү иде. Уку барышында гамәлдәге милли аккредитация системасының законнар базасы өйрәнелде, Үзәк СИАК белгечләре өчен һава һәм индустриаль ташландык пробаларын алу, зур күләмле һәм күпләп ташлауларның параметрларын үлчәү һәм исәпләү буенча практик шөгыль үткәрелде.

Бүген Мәскәүдә Дәүләт Думасының Табигый ресурслар, табигатьтән файдалану һәм экология комитетының Югары экологик советының киңәйтелгән утырышы үткәрелә, аның темасы: “Әйләнә-тирәлекне саклау турындагы” № 219 ФЗ федераль законына һәм Россия Федерациясенең аерым закон актларына үзгәрешләр кертү турындагы” федераль закон кагыйдәләрен тормышка ашыру яктылыгында норматив-хокукый көйләүләрне камилләштерү”. Чарада Татарстан экология һәм табигый байлыклар министрының беренче урынбасары Рөстәм Камалов та катнаша.
Дәүләт Думасының Табигый ресурслар, табигатьтән файдалану һәм экология комитеты рәисе Владимир Кашин үз чыгышында Татарстан химия предприятиеләренең эшен, аерым алганда аеруча куркынычлы калдыклар белән эш итүен уңай бәяләде. “Бүген Татарстанда нормалаштыру турындагы законнарның алдан-ала үтәлүен күрергә мөмкин”, – дип ассызыклады.

Татарстан Экология һәм табигый байлыклар министрлыгының Кама буе территориаль идарәсе белгечләре “Три-Н” ҖЧҖнең Чаллыдагы автоягулык станциясенә куелган мотор ягулыгы парларын резервуарлардан һәм ягулык салу колонкаларыннан җыеп арытаба нефтебазада рециркуляцияләү системаның эше белән таныштылар.
Бүгенге көндә Чаллыда шундый система белән 32 автоягулык станциясе җиһазланган.

Бу көннәрдә Санкт-Петербургта “Яшь буында экологик культура формалаштыру” дигән II халыкара фәнни-гамәли конференция бара. Аның максаты – яшь буынга экологик культура иңдерү, яшьләргә, балаларга, ата-аналарга экологик белем һәм тәрбия бирүне оптимальләштерү бурычларын билгеләү. Конференция кысаларында экология, культура, мәгариф эшчәнлегенең заманча алымнарын өйрәнү буенча мастер-класслар һәм эшлекле уеннар да үткәрелә.

Казан Балалар экология-биология үзәге “Зилант” ачык экология форумы үткәрә. Аның кысаларындагы конкурста Казанның мәгариф оешмаларында 8-11 классларда укучылар катнаша ала. Фотография, эссе, стена газетасы, шигырь кебек эшләр кабул ителә торган темалар: “Индустриаль экология”, “Су проектлары”, “Акыллы кеше: социаль экология, психология”, “Флора, үсемлекләр экологиясе”, “Фауна, хайваннар экологиясе”, “Биоин-дикация”. Конкурс кысаларында шулай ук “Татарстан Республикасында биологик төрле-лекне һәм табигый байлыкларны саклау проблемалары” дигән секция эшләячәк, анда табигать саклау буенча эшләнгән эшләргә хисаплар тыңланачак. Бәяләү критерийлары: конкрет проблеманың практик әһәмияте һәм нигезләнеше; максат һәм бурычларның куелышы; оригиналь чишелеш (авторның проблемага үзаллы карашы); эшләнгән эшнең

Ханты-Мансийск шәһәрендә “Кызыл китап балалар карашында” дигән халыкара экологик балалар иҗаты конкурсы башланды. Проект “Коткарырга һәм сакларга” дигән халыкара экологик акция кысаларында, ЮНЕСКО эшләре буенча Россия комиссиясе эгидасы астында тормышка ашырыла. Максаты – яшь буында экологик культура һәм планетада үсемлек һәм хайван төрләренең кими баруы проблемасына дөрес караш формалаштыру. Конкурста Россиядә һәм чит илләрдә яшәүче 6-17 яшьләрдәге балалар катнаша ала. Номинацияләре – экология һәм әхлак темасына кагылышлы эссе, фотография, рәсемнәр, графика, скульптура. Шулай ук төрле төбәкләрнең, илләрнең Кызыл китаплары белән танышудан соң, бетә баручы төрләрне аеруча саклаулы территорияләрдә күргәннән соң, фильмнар караганнан соң, зоопаркларда булганнан соң барлыкка килгән тәэсирләр буенча ясалган иҗат эшләре дә кабул ителә. Эшләрне һәм гаризаларны конкурска 31 декабрьгә кадәр бирергә мөмкин.

2014 елның 6 декабрендә Казанның “Ватан” универсаль спорт комплексында, Татарстан Дәүләти һәм муниципаль хезмәткәрләр спартакиадасы кысаларында, баскетбол буенча төркемнәр раунды үткәрелде. Татарстан Экология һәм табигый байлыклар министрлыгы командасы аны уңышлы үтеп, плей-оффка чыкты. Чираттагы уен 13 декабрьдә үткәрелә.

Технопаркта (“IT-парк”та) Татарстан Экология һәм табигый байлыклар министрлыгы хезмәткәрләре өчен геоинформация системалары презентациясе үткәрелде. Анда катнашучылар “IT-парк”ның эше белән таныштылар, кече һәм урта IT-компанияләрнең офисларында, 40 стартап буенча бизнес-инкубаторда булдылар. ГЛОНАСС+112 экстрен службалар системасы үзәгендә дәүләт хезмәтләре электроникасы өлкәсендәге соңгы казанышлар турында белешмәләр алдылар.

Казанда юниорларның “Үсенте” бөтенроссия конкурсының шәһәр этабы башланды. Аны Балаларның шәһәр экология-биология үзәге белән берлектә Казан шәһәре Мәгариф идарәсе үткәрә. Максаты – Россиянең мәгариф оешмаларында укучыларны урман экосистемаларын һәм табигать саклау эшчәнлеген өйрәнүгә җәлеп итү, аларның экология, урманчылык, урманнарны саклау алымнары буенча белемнәрен тирәнәйтү һәм күнек-мәләрен ныгыту, яшь буынны экология һәм урманчылык һөнәрләре белән кызыксындыру. Конкурста Казанның белем бирү оешмаларында укучы 14-18 яшьтәгеләр катнаша ала. Эшләр түбәндәге номинацияләр буенча кабул ителә:
• урман белеме һәм урманчылык