Татарстанда Бердәм экологик дәрес уздырылды

2013 елның 20 мае, дүшәмбе
15 майда Татарстанның барлык шәһәр һәм районнарындагы белем бирү оешмаларында Халыкара Экологик белем бирү көненә багышланган “Бердәм экологик дәрес” акциясе уздырылды.
Татарстан Экологик һәм табигый байлыклар министрлыгының Идел-Кама территориаль идарәсендә дәресләр 5нче Чистай шәһәр мәктәбенең 7-8 класс укучылары өчен, Чистай районы Йолдыз урта мәктәбендә һәм Алексеевск районы Юеш Көрнәле урта мәктәбендә үткәрелде. Экология һәм әйләнә-тирәлек темасына әңгәмәләр оештырылды. Дәрес азагында “Тыюлы урыннар” фильмы күрсәтелде.
Министрлыкның Кама аръягы территориаль идарәсе белгечләре, Балаларның экологик-биологик үзәге педагоглары белән бергә, “Бердәм экологик дәрес”не Түбән Кама районы мәктәпләрендә үткәрделәр. Дәрестә сүз җир ресурсларының торышы, атмосфера һавасының һәм республика территорияләренең җитештерү һәм куллану калдыклары белән пычрануы, предприятиеләрнең су ресурсларына – елгаларга, күлләргә, сусаклагычларга, чишмәләргә йогынтысы турында барды.
Кама буе территориаль идарәсендә экологик белем бирү акциясе Казан (Идел буе) федераль университеты студентлары белән берлектә Чаллыда үткәрелде. Кече, урта һәм өлкән мәктәп яшендәге балаларга әйләнә-тирәлекне саклауның ни өчен кирәклеге турында сөйләделәр. Хезмәткәрләрнең һәм студентларның төп бурычы – балаларны табигать дөньясына сак карарга этәрү, аларда экологик аң һәм культура формалаштыру булды.
Көньяк-көнчыгыш  территориаль идарә инспекторлары Әлмәт һәм Чирмешәннең 2-11 класс укучыларын Татарстан Экология һәм табигый байлыклар министрлыгының эшчәнлеге белән таныштырдылар, шулай ук аларга әйләнә-тирәлекнең кеше сәламәтлегенә йогынтысы турында сөйләделәр.
Буада “Бердәм экологик дәрес” кече яшьтәге мәктәп балалары өчен үткәрелде. Татарстан Экология һәм табигый байлыклар министрлыгының Идел аръягы территориаль идарәсе инспекторлары, махсуслашкан аналитик контроль инспекциясе хезмәткәрләре белән берлектә, балаларга кеше эшчәнлегенең һәм табигатьнең үзара бәйләнеше турында сөйләделәр. Укучылар өчен экологик викторина һәм конкурслар үткәрелде. Лицейга Кызыл китаплар тапшырылды.
Баулыда, Мөслимдә, Азнакайда һәм Ютазыда Татарстан Экология һәм табигый байлыклар министрлыгының Ык буе  территориаль идарәсе белгечләре 1-11 класс укучылары өчен дәресләр үткәрделәр, Министрлыкның эшчәнлеге турында сөйләделәр. “Су. Һава. Җир” дигән темага викториналар үткәрделәр.
Төньяк территориаль идарә инспекторлары кече класс укучылары өчен гыйбрәтле викториналар конкурслар һәм тестлар үткәрделәр. Министрлыктан укучыларга истәлекле бүләкләр, ә мәктәп китапханәсенә танып-белү әдәбияте тапшырылды.
“Бердәм экологик дәрес”нең төп бурычлары булып яшь буынның экологик белемнәрен күтәрү, туган як табигатенә сак караш тәрбияләү, дөньяга экологик караш формалаштыру, Татарстанда өзлексез экологик белем һәм тәрбия бирү системасын яклау һәм үстерү торды.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International