Казан шәһәренең Киров районына рейд

2013 елның 7 мае, сишәмбе
Бүген, санитар-экологик икеайлык кысаларында, Татарстан Экология һәм табигый байлыклар министрлыгының Үзәк территориаль идарәсе инспекторлары Казан шәһәренең Киров районы буенча пресс-рейдка чыктылар. Аеруча игътибар Архангел урамындагы Лагерь станциясе буендагы территориягә юнәлтелде. Инспекторлар бу төбәктә 16 апрельдән бирле эшлиләр инде. Элегрәк Киров һәм Мәскәү районнары Администрацияләре рөхсәтсез чүплекне бетерү белән территориянең яңа хуҗасы – “Бриз” ҖЧҖ төзелеш компаниясе шөгыльләнәчәк, дип аңлатканнар иде. Бүгенгә бу оешма территориянең күп өлешен җыештырган, 150 кубометрдан артык төзелеш калдыклары чыгарылган. Калган өлеш бүгенгә әле кипмәгән – ә бу авыр техниканың эшен авырайта. Чүп-чарны якын көннәрдә чыгарырга ниятлиләр. Киров һәм Мәскәү районнарының төзекләндерү бүлегендә шуны да аңлаттылар – “Бриз” ҖЧҖенә караган территориядә тулаем сату складлары төзү күздә тотыла, калган территория коймаланачак.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International