Татарстан Республикасы Экология һәм табигать ресурслары министрлыгы

Укучылар форумы йомгаклары

2013 елның 24 апреле, чәршәмбе

Казанның Укытучылар Йортында мәктәп укучыларының “Зилант” XIII ачык шәһәр экологик форумына йомгаклар ясалды һәм анда җиңүчеләр бүләкләнде. Чарада Татарстан Экология һәм табигый байлыклар министрлыгының Үзәк территориаль округы һәм Казан шәһәренең Экология-биология үзәге хезмәткәрләре катнашты.

Форум 2013 елның 26 гыйнварыннан алып, “Кеше сәламәтлеге һәм экология” дигән девиз астында, түбәндәге номинацияләр буенча үткәрелде:

· фәнни тикшеренү,

· табигать саклау,

· гамәли сәнгать,

· белем бирү.

Җиңүчеләр берничә номинациядә ачыкланды:

– “Аңлы кеше: экология, психология” – Елена Кириллова, Сиари Мурсалова, 81нче мәктәп;

– “Кеше экологиясе һәм физиологиясе” – Айгөл Миңлегалиева, 4нче интернат-мәктәп;

– “Су проекты” – Андрей Җамалиев, 83нче мәктәп.

Шулай ук Татарстан Экология һәм табигый байлыклар министрлыгының хәбәр чаралары белән эшләү һәм экологик тәрбия секторы башлыгы Рифкать Хуҗиевка балаларга экологик белем бирү һәм тәрбия өлкәсендәге күпьеллык һәм нәтиҗәле хезмәттәшлек өчен Казан шәһәр Башкарма комитетының Мәгариф идарәсе башлыгы Илсур Хәлиуллинның “Рәхмәт хаты” тапшырылды.

Үзәк территориаль идарә материаллары буенча

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ