Җинаятьчене кулыннан тотканнар. Түбән Мактама ш.т.п. элеккеге кирпеч заводы территориясенә пычрак кар бушатканнар

2021 елның 2 апреле, җомга

Экологик мониторинг кысаларында ТР Экология һәм табигать ресурслары министрлыгының Көньяк-Көнчыгыш территориаль идарәсе хезмәткәрләре Әлмәт районы Түбән Мактама шәһәр тибындагы поселогында урнашкан элеккеге кирпеч заводы территориясендә рөхсәтсез рәвештә кар урнаштыру фактына тап булганнар. Территорияне тикшерү барышында экологлар пычрак кар төягән 2 КАМАЗ машинасын теркәгән. Транспорт йөртүчеләр әйтүенчә, әлеге урынга 4 йөк машинасы кар бушатылган, аларның гомуми күләме – 30 куб.м артык, мәйданы – 100 кв.м артык. Автотранспорт хуҗаларын билгеләү өчен, ТР буенча ЭЭМ ЮХИДИ идарәсенә һәм ТР Дәүләт техник күзәтчелек идарәсенә рәсми мөрәҗәгатьләр юлланган. Административ тикшерү эше алып барыла.