Россия Федерациясенең әйләнә-тирәлекне саклау елы эмблемасы расланды

2013 елның 18 апреле, пәнҗешәмбе
Россия Федерациясе Табигый байлыклар һәм экология министрлыгында Россия Федерациясенең әйләнә-тирәлекне саклау елы эмблемасын ясауга конкурс төгәлләнде. Анда Владимир өлкәсе Муром шәһәреннән Денис Ежов җиңеп чыкты. Конкурста җиңүченең фаразынча, эмблемага мөһим фикри эчтәлек – бердәмлек идеясе салынган: илдәге экологик хәлне үзгәртү өчен, Туган илебезнең бөтен халкын берләштерергә кирәк. Эмблемада Россиянең сүрәте регионнарга һәм шәһәрләргә бүленешсез бирелгән. Ул Җир шары түгәрәгендә. Экологик проблемалар белән көрәштә Җирдә яшәүче һәркем катнашырга тиеш. Үсенте экологик яңарышны һәм алгарышны гәүдәләндерә. Эмблема Россия Федерациясе флагы төсләренә буялган, шулай ук анда табигатьне, тереклек яралуны гәүдәләндерүче яшел төс тә бар.
Башка номинацияләр буенча лауреатлар да билгеләнде: “Иң рәсми эмблема” – Алексей Панько (Санкт-Петербург шәһәре), “Иң үзенчәлекле эмблема” – Ольга Шаркова (Алтай крае), “Иң лаконик эмблема” – Денис Деменко (Воронеж өлкәсе), “Иң игелекле эмблема” – Иван Москвин (Алтай крае).
Конкурста җиңүче һәм лауреатларга Россия Табигать министрлыгының дипломнары һәм кыйммәтле бүләкләр тапшырылачак. Бу турыда Россия Федерациясе Табигый байлыклар һәм экология министрлыгының матбугат хезмәте хәбәр итә.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International