Бөек рус язучысы Лев Николаевич Толстойның тууына 185 ел тулуга багышланган укучылар конференциясе

2013 елның 18 апреле, пәнҗешәмбе
2013 елның 16 апрелендә Республика үсмерләр китапханәсенең актлар залында бөек рус язучысы, фикер иясе һәм философы Лев Николаевич Толстойның тууына 185 ел тулуга һәм аның иҗатында табигать темасына багышланган “Туган табигатькә мәхәббәт белән” дигән укучылар конференциясе уздырылды. Ул Экологик культура һәм әйләнә-тирәлекне саклау елы кысаларында оештырылган иде.
Чарада Татарстан Экология һәм табигый байлыклар министрлыгының экологик белем бирү һәм җәмәгать оешмалары белән элемтә бүлегенең башкаручы киңәшчесе Елена Гыйльмеҗанова да катнашты һәм Татарстанда табигый ресурсларның торышы һәм әйләнә-тирәлекне саклау турында доклад белән чыгыш ясады. Рөхсәтсез чүплекләр табылу турында хәбәр итәргә мөмкин булган “Халык контроле” дәүләти мәгълүмәт системасының һәм “кайнар элемтә” телефонының эше турында сөйләде. Экологик конкурсларда, акцияләрдә актив катнашырга чакырды, балалар өчен экологик журнал чыгару турында сөйләде.
Китапханә хезмәткәрләре яшьләр арасында “Тирә-якта табигать һаман азая, әйләнә-тирәлек һаман күбәя” дигән социологик тикшеренү үткәргәннәр. Хәзерге вакытта җыелган материалларны эшкәртү бара. Тикшеренү нәтиҗәләре Татарстан Экология һәм табигый байлыклар министрлыгына тапшырылачак.
Республика үсмерләр китапханәсенең Татарстан Экология һәм табигый байлыклар министрлыгы белән берлектә халыкны экологик агарту буенча үткәрә торган чаралары яшьләрдә табигатькә сак караш тәрбияләүгә һәм экологик культура формалаштыруга юнәлтелгән.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International