«Яшел өчпочмак» экологик кейс-чемпионатында катнаш!
«Яшел өчпочмак» экологик кейс-чемпионатында катнашу өчен заявка компаниясе ачылган. Чара 2021 елның 18 мартында Казан шәһәренең IT-парк базасында узачак. Оештыручылар – Татарстан Республикасының «Чиста булачак» төбәк яшьләр иҗтимагый оешмасы, шулай ук Казан милли тикшеренү технология университеты студентлары һәм аспирантлары волонтерлык корпусы һәм фәнни-технологик җәмгыяте.
Анда катнашу өчен 3-4 кешелек командалар – өлкән буын укучылары һәм Татарстан Республикасының югары һөнәри һәм урта белем бирү учреждениеләре студентлары чакырыла. Чарада бары команда белән генә (3-4 кеше) катнашырга мөмкин.
Кейс-чемпионат 2 этапта узачак:
1) сайлап алу этабы – тәкъдим ителгән эшләрне анализлау нигезендә комиссия финалистларны билгели;
2) финал этабы – турыдан-туры катнашу һәм эш яклауны күздә тота.
Экопроектның максаты – студентлар арасында мантыйкый, структуралы, тәнкыйди фикерләү рәвешен үстерү, яшьләр арасында экологик культураны популярлаштыру һәм үстерү.
Кейс (case) – кейс-чемпионатта катнашучылар хәл итәргә тиешле билгеле бер проблема барлыкка килгән конкрет гамәли вәзгыять.
Катнашу өчен 15 мартка кадәр https://clck.ru/TbrKq сылтамасы буенча күчеп, гугл-форма тутырырга кирәк. Тулырак мәгълүмат Нигезләмәдә.