Ык буе идарәсе инспекторлары законсыз кар өюгә чик куйган
Татарстан Республикасы Экология һәм табигать ресурслары министрлыгының Ык буе территориаль идарәсе инспекторлары Азнакай районының Актүбә бистәсендә кышкы чистартудан барлыкка килгән калдыкларны рөхсәтсез урнаштыру фактына юлыккан. Закон бозу очрагы ваклап сатучы предприятиеләрнең берсе арендалаган территориядә ачыкланган.
Соратып алынган мәгълүматлар нигезендә, компаниянең чүпләүдә катнашмавы билгеле булган. Ваклап сату челтәре муниципаль унитар предприятие белән кар чыгаруга килешү төзегән, ләкин соңгысы тарафыннан гына килешү шартлары үтәлмәгән. 1000 квадрат метр мәйданлы урынны чүпләгән өчен МУП директорына карата Административ хокук бозулар турында ТР кодексының 3.6 статьясы буенча административ беркетмә төзелгән, материал карар кабул итү өчен Азнакай муниципаль районы административ комиссиясенә тапшырылган.
Хәзерге вакытта калдыклар чыгарылган, территория тәртипкә китерелгән.