Татарстан Республикасы Министрлыклары Татарстан Республикасы Экология һәм табигать ресурслары министрлыгы

«Җирнең озон катламын һәм климатын саклыйк» Бөтенроссия конкурсы

2013 елның 5 апреле, җомга

Россия Федерациясе Табигый байлыклар һәм экология министрлыгы, Әйләнә-тирәлекне саклау елы кысаларында, “Җирнең озон катламын һәм климатын саклыйк” дигән Бөтенроссия конкурсы үткәрә. Бу чара Россия Мәгариф һәм фән министрлыгы һәм ЮНИДО (Индустриаль үсеш буенча берләшкән милләтләр оешмасы) ярдәмендә уздырыла.

Конкурста катнашырга Россиянең барлык регионнарыннан урта гомуми белем мәктәпләре укучылары, урта һәм югары һөнәри белем мәктәпләре укучылары чакырыла.

Номинацияләр катнашучыларның яшь буенча төркемнәренә бәйле һәм шулардан тора:

• “Рәсемнәр” – мәктәпләрнең 1-4 класс укучылары өчен;

• “Плакатлар” – мәктәпләрнең 5-7 класс укучылары өчен;

• “Социаль-экологик проектлар” – 5 класс укучыларыннан алып вуз студентларына кадәр;

• “Рефератив эшләр”, “Өйрәнү-тикшеренү һәм фән эшләре”, “Социаль видеореклама” – 8нче класс укучыларыннан алып вуз студентларына кадәр;

• “Методик эшләнмәләр” – урта һөнәри белем мәктәпләрендә укучылар һәм вуз студентлары өчен;

Конкурс 3 этапта үткәрелә:

• региональ конкурс – 2013 елның 15 мартыннан 30 апреленә кадәр (мәктәп балалары гына катнаша, Россия Федерациясе субъектлары Конкурсны үзаллы үткәреп, һәр номинациядә 20 иң яхшы эшне сайлыйлар);

• федераль конкурс (читтән торып) – 2013 елның 11 маеннан 25 июненә кадәр, барлык номинацияләр һәм яшь категорияләре буенча;

• конкурсның финалы – 13 елның 14–16 сентябрендә (федераль этапта җиңүчеләр үз эшләрен Конкурс жюрие алдында яклыйлар).

Конкурста җиңүчеләрне тантаналы бүләкләү 2013 елның 16 сентябрендә, Халыкара озон катламын саклау көнендә үткәрелә. Югарыда санап үтелгән темалар буенча өстәмә белешмәләрне Озон катламын саклау буенча мәктәп балалары һәм студентлар өчен Бөтенроссия конкурсы сайтыннан алырга мөмкин.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Татарстанда 2026 елда экологик иминлеккә 3 млрд сумга якын инвестициялиләр

«Экологик иминлек» яңа илкүләм проекты кысаларында Татарстан 8 табигатьне саклау инициативасын гамәлгә ашыруны планлаштырган, гомуми финанслау почта 3 млрд.сум. Акчаларның төп өлеше «Россия суы» федераль проектына юнәлдереләчәк, дип хәбәр итте Татарстан Республикасы Министрлар Кабинетында узган брифингта экология министры Азат Җиһаншин.

Татарстан язны киң колачлы экологик кампания белән каршы ала: елгаларны чистартудан алып Кызыл китапка кертелгән лачыннар чыгаруга кадәр

Бүген Татарстан Экология һәм табигый байлыклар министры Азат Җиһаншин Татарстан Республикасы Министрлар Кабинетында узган брифингта чыгыш ясады. Чара санитар-экологик икеайлыкка старт алуга һәм «экологик иминлек»милли проекты кысаларында 2026 елга табигатьне саклау эшләре планнарына багышланган иде.

март, 2026 ел

Экология министры Азат Җиһаншин Экология министрлыгы хезмәткәрләренә күкрәк билгеләре һәм таныклыклар тапшырды

Бүген Татарстан Экология һәм табигый байлыклар министры Азат Җиһаншин структур һәм территориаль бүлекчәләр җитәкчеләре белән атналык аппарат киңәшмәсендә ведомство хезмәткәрләренә күкрәк билгеләре һәм хезмәт таныклыклары тапшырды.

Экологлар Яр Чаллыда санкцияләнмәгән чүплекне теркәгәннәр

Чаллы шәһәре территориясен мониторинглау кысаларында Кама буе идарәсе инспекторлары табигатьне саклау законнарын бозуны ачыкладылар.

ЯҢАЛЫКЛАРГА ЯЗЫЛУ