Татарстан Республикасы Экология һәм табигать ресурслары министрлыгы

Татарстан экология һәм табигый байлыклар министры Артем Сидоровның Геолог көне белән котлавы

2013 елның 5 апреле, җомга

Кадерле коллегалар!

Сезне һөнәри бәйрәмегез – Геолог көне белән чың күңелдән котлыйм!

Бу бәйрәм – геология ветераннарының да, Җир асты байлыкларын өйрәнүчеләр һөнәрен әле яңа үзләштерә башлаган яшь романтикларның да бәйрәме булып тора. Бу катлаулы һөнәрне сез күңелегез кушканга сайлагансыз. Йөзләрчә, меңнәрчә километр маршрутлар уздыгыз, җир асты хәзинәләре турында бәяләп беткесез белешмәләр тупладыгыз. Көндәлек киеренке хезмәтегездә тирән теоретик белемнәрегез, эш сөючәнлегегез, бурычлылык һәм иптәшлек хисләрегез бергә үрелеп бара. Ул хезмәт иң ихтирамлы һәм мактаулыларның берсе булды һәм шулай калыр да.

Бүгенге геолог кулына чүкеч тоткан һәм аркасына тау токымнары тулы биштәр аскан илгизәргә охшамаган инде. Һәр фән төсле үк, геология дә нык алга китте: заманча компьютер технологияләре, өр-яңа җиһазлар барлыкка килде. Ләкин үз язмышларын геология белән бәйләгән кешеләр элеккечә үк фидакарь җанлы, яңа ачышлар хакына иң авыр шартларда эшләргә дә әзер юл яручылар булып калдылар.

“2011-2015 елларда Татарстан Республикасының социаль-экономик үсеш программасына” ярашлы рәвештә, республиканың алга таба стратегик үсеш максаты булып конкуренциягә сәләтле экономика һәм табигый байлыкларны нәтиҗәле файдалану нигезендә халыкның тормыш сыйфатын күтәрү тора. Файдалы казылмаларның һәм җир асты суларының минераль чимал базасын ныгыту һәм рациональ файдалану экономик үсешнең бер факторына әверелергә тиеш. Бу табигый байлыкларны куллану республика экономикасын, шул исәптән нефть-газ тармагын, индустриаль, гражданлык һәм юл төзелешләрен тагы да үстерергә, муниципаль районнарның социаль-экономик дәрәҗәсен күтәрергә мөмкинлек бирер.

Шактый катлаулы тормыш шартларында да безнең геологлар нефть чыгару һәм таучылык индустриясен эзләп табылган чимал хәзинәләре белән тәэмин итә алдылар, ә алар регионыбыз һәм илебезнең тотрыклы үсеше өчен ышанычлы нигез булып торалар.

Бүген, сезнең хезмәт нәтиҗәсендә, файдалы казылмаларның яңа яткылыклары ачыла, димәк, киләчәк буыннарның тормышы өчен дә ышанычлы нигез салына.

Сезне һөнәри бәйрәмегез белән котлаганда, Татарстан геологлары республиканың алга таба үсешенә һәм чәчәк атуына, Ватаныбызның куәтен яңадан торгызуга лаеклы өлеш кертерләр дигән ышанычта калам.

Сау-сәламәт, яшь җанлы булыгыз! Сезгә һәм якыннарыгызга яңадан-яңа ачышлар, иминлек һәм зур уңышлар телим!

БАРЛЫК ЯҢАЛЫКЛАРНЫ УКУ