«Казан ярминкәсе»ндә IV махсуслашкан «Чиста су. Казан» күргәзмәсе һәм конгрессы ачылды

2013 елның 27 марты, чәршәмбе
Бүген “Казан ярминкәсе” күргәзмә үзәгендә IV махсуслашкан “Чиста су. Казан” күргәзмәсе эшли башлады. Күргәзмәне һәм конгрессны ачу тантанасында Татарстанның Премьер-министры Илдар Халиков, Су ресурслары федераль агентлыгы җитәкчесе урынбасары Игорь Никитин, Дәүләт Думасы депутаты, Табигый ресурслар, табигатьтән файдалану һәм экология комитеты әгъзасы Фатих Сибгатуллин, Су ресурслары федераль агентлыгының Түбән Идел бассейны сулары идарәсе җитәкчесе Анатолий Быков, ЮНИДО халыкара индустриаль хезмәттәшлек үзәгенең Россия Федерациясендәге директоры Сергей Коротков, Татарстан экология һәм табигый байлыклар министры Артем Сидоров һәм башкалар катнашты.
Татарстан Республикасы Премьер-министры Илдар Халиков чарада катнашучыларны котлады һәм, чиста суга багышланган күргәзмә һәм конгресс республика башкаласы кунаклары игътибарын елдан-ел күбрәк җәлеп итә, дип белдерде. Күргәзмәгә ел саен чыгарыла торган тәкъдимнәр күп кенә эре оешмаларда һәм компанияләрдә актив кулланыла. Премьер-министрның әйтүенчә, “Чиста су”ны авыл һәм бистәләрдә яшәүчеләр дә рәхмәт белән телгә алалар. Бүгенге күргәзмә һәм конгресс яңа технологияләрне тагын бер кат күрү мөмкинлеге генә түгел, Татарстан халкын һәм республиканы су белән тәэмин итү өчен җавап бирүче компанияләрне борчый торган мәсьәләләрдә фикер алышу форсаты да булып тора.
Күргәзмә һәм конгресста катнашучыларны шулай ук Су ресурслары федераль агентлыгы җитәкчесе урынбасары Игорь Никитин, Су ресурслары федераль агентлыгының Түбән Идел бассейны сулары идарәсе җитәкчесе Анатолий Быков котлады, шуннан соң күргәзмәне рәсми ачу булып узды.
Татарстан Республикасы Премьер-министры җитәкчелегендәге мөхтәрәм кунаклар күргәзмә экспозициясен карадылар, ә анда су ресурсларын яңадан торгызу һәм саклау, коммуналь һәм индустриаль су тәэминаты, үткәргеч торба челтәрләрен ремонтлау, җылыту һәм кайнар су бирү, юынты суларны чистарту, суны бутилизацияләү өчен булган җиһазларның һәм хезмәт күрсәтүләрнең бөтен спектры, бу өлкәдәге иң соңгы эшләнмәләр куелган иде.
Казанда бу чара инде дүртенче тапкыр үткәрелә. Күргәзмәдә Казанның һәм Татарстанның башка шәһәрләренең, Мәскәүнең, Санкт-Петербургның, Түбән Новгород, Тверь, Липецк, Дзержинск, Ульяновск, Уфа, Тольятти, Самараның, шулай ук Германия һәм Даниянең индустрия предприятиеләре, тармаклары, фәнни оешмалары, бизнес структуралары катнашты.
Арытаба чара “Россиянең су тармагын үстерү” дип аталган пленар утырыш белән дәвам итте, анда күренекле галимнәр, белгечләр, су ресурсларын саклау һәм бәрәкәтле куллану өлкәсендә эш итүче оешмаларның вәкилләре конгресста катнашучылар игътибарына экологик нормалаштыру, табигый суларга йогынтыны көйләү, су ресурсларын чикләр аша куллану һәм саклау буенча халыкара һәм региональ программаларны тормышка ашыру буенча алдынгы тәҗрибәләр турындагы докладларын тәкъдим иттеләр.
Аннары эш су ресурсларын бәрәкәтле куллануга һәм саклауга, Россиядә судан файдалану белән нәтиҗәле идарә итүгә багышланган түгәрәк өстәлдә дәвам итте, аны Татарстан Экология һәм табигый байлыклар министрлыгы, Түбән Идел бассейны сулары идарәсе, “Средволгаводхоз” федераль идарәсе оештырган иде. Түгәрәк өстәл эшендә Түбән Идел бассейны сулары идарәсе җитәкчесе Анатолий Быков һәм Татарстан экология һәм табигый байлыклар министрының беренче урынбасары Рөстәм Камалов катнашты.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International