Студентлар блоклы чистарту корылмалары белән таныштылар

2013 елның 27 феврале, чәршәмбе
Татарстанның экологик культура һәм әйләнә-тирәлекне саклау Елы кысаларында студентлар өчен Әлмәт районы Рус Акташы авылында урнаштырылган блоклы яңа чистарту корылмалары белән танышу үткәрелде. Экскурсияне оештыручыларның берсе – Татарстан Экология һәм табигый байлыклар министрлыгының Көньяк-Көнчыгыш территориаль идарәсе иде.
Экономика, идарә һәм хокук институтының 4нче курс студентлары чистарту корылмаларының эш принциплары белән таныштылар. Блоклы яңа чистарту корылмалары кулланышка 2012 елда кертелгән иде. Бу Зәй елгасына техноген йөкләнешне киметергә мөмкинлек бирә торган чараларның иң әһәмиятлесе булды. Студентлар шулай ук яңа чистарту корылмаларының шактый күп социаль объектлары һәм предприятиеләре булган Рус Акташы авылы өчен никадәр мөһим булуы турында да белделәр.
Көньяк-Көнчыгыш территориаль идарә белгечләре, Зәй елгасыннан су пробасы алып, студентларга дәүләти экологик күзәтчелек үткәрүнең тәртибен күрсәттеләр. Аннары аларны махсуслашкан аналитик контроль инспекторлары үз лабораторияләренә алып барып, анализ алу эшләре белән таныштырдылар. Студентлар кызыксындырган сорауларын бирделәр, ә арадан иң кыюлары үзләрен лаборатория экспертлары ролендә сынап карадылар.
Көньяк-Көнчыгыш территориаль идарә материаллары буенча.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International