«Росводресурсы» студентларны «Вода.Online» экология квестында катнашырга чакыра
Квест-уен экологик агарту һәм суга сакчыл караш пропагандалауга юнәлтелгән интеллектуаль уенны күздә тота. Чараны Федераль су ресурслары агентлыгы Экологик проектлар консалтингы институты белән берлектә үткәрә. Төп белем бирү партнеры – «Нетология» онлайн-укыту үзәге.
Экоквест мавыктыргыч белем бирү формасында төзелгән биремнәр, Россия су объектларының кыйммәтен һәм уникальлеген чагылдыра торган платформа булып тора. Моннан тыш, мәйданчыкта дәүләтнең су саклау блогын законнар һәм көн тәртибен формалаштыручы, шулай ук планетаның иң кыйммәтле ресурсы белән бәйле глобаль проблемаларны булдырмау өчен чишелешләр эшләүче тармак экспертлары да тәкъдим ителәчәк.
Интеллектуаль уеннарда Россиянең югары, урта һөнәри һәм урта махсус уку йортларында белем алучы 15-30 яшьләрдәге 2000нән артык кеше катнашачак.
«Вода.Online» экоквестында катнашучыларның барысы да гарантияле призлар – «Нетология» үзәгеннән сертификатлар һәм онлайн-белем алуга ташламалар алачак. Призерларга һәм җиңүчеләргә Apple Watch сәгатьләре, белем бирү курсларын узу өчен сертификатлар, Мәскәүдә Юниорларның бөтенроссия су форумына бару, экшн-камералар, чыбыксыз колонкалар һәм брендланган толстовкалар тапшырылачак.
Катнашучыларны теркәү 2020 елның 15 октябренә кадәр дәвам итәчәк. Тулырак мәгълүмат белән http://водныйквест.рф/ сайтында танышырга мөмкин.