23 августта «Чиста уеннар» квест-уенында катнашырга чакырабыз
«Татарстан Республикасы балалар оешмалары советы» төбәк иҗтимагый оешмасы, «Чиста булачак» республика яшьләр оешмасы белән берлектә, «Чиста уеннар» квест-уенында катнашырга чакыра.
Чара 2020 елның 23 августында Казанда 4 мәйданчыкта узачак: Константиновка бистәсе территориясендә, Рус-Алман Швейцариясе территориясендә, Түбән Заречье пляжында, шулай ук Казансу елгасы буендагы Гаврилов урамында.
«Чиста уеннар» – ул халыкара экологик белем бирү проекты, ул яшьләр арасында экологик яшәү рәвешен популярлаштыруга, территорияләрне интернет технологияләр кулланып җыештыру буенча квест-уенда катнашуга юнәлтелгән. Чара анда катнашучыларга әйләнә-тирә мохитне саклауга өлеш кертергә һәм чүп-чарны аерым җыю нигезләрен өйрәнергә мөмкинлек бирә.
Чарага йомгак ясау һәм җиңүчеләрне бүләкләү Горький паркында узачак.
Белешмәләр өчен телефон: 8-987-231-14-01 Диләрә Сатикова – Татарстанда «Чиста булачак» РЯО җитәкчесе.