Татарстан Республикасы Экология һәм табигать ресурслары министрлыгы

«Мин авылны сайлыйм» III Республика конкурсында катнашучылар бүләкләнде

2013 елның 7 феврале, пәнҗешәмбе

Экологик культура һәм әйләнә-тирәлекне саклау елы кысаларында Яшел Үзән районы Карагуҗа урта гомум белем бирү мәктәбе базасында мәктәп балаларының фәнни-тикшеренү, проект һәм иҗади хезмәтләренең “Мин авылны сайлыйм” дигән III Республика конкурсы булып узды. Конкурсны оештыручылар һәм төп комиссияне тәшкил итүчеләр – Татарстан Экология һәм табигый байлыклар министрлыгы, Казан (Идел буе) Федераль университетының (К(И)ФУ) экология һәм география институтының географик һәм экологик белем бирү бүлекчәсе, К(И)ФУның педагогика һәм психология институты, Татарстан Республикасының экологик-биологик методика үзәге, Казан дәүләт ветеринария медицинасы академиясе, Казан дәүләт аграр университеты һәм Татарстан Фәннәр Академиясенең Ш.Мәрҗани исемендәге тарих институты.

Конкурсның төп бурычлары – яшьләр арасында аграр профессияләрнең абруен күтәрү, дәүләт ведомстволары һәм белем бирү оешмалары арасында авылны тергезү, мәктәп балалары күзендә авыл хезмәтчәне образын республиканың иң мөһим социаль, экономик һәм экологик программаларын чишүдә катнашучы уңышлы кеше буларак формалаштыру мәсьәләләрендә коммуникацияләрне үстерү.

Конкурста Татарстанның 9-11нче класс укучылары һәм гомуми урта белем бирү мәктәпләре укытучылары катнашты. Эшләр “Авыл булса мин дә булырмын!”, “Авыл өе”, “Авыл һөнәре”, “Туган якның экологиясе һәм анда табигатьтән файдалану” дигән тематик бүлекләргә тапшырылды, аларның комиссиясен Татарстан Экология һәм табигый байлыклар министрлыгының Үзәк территориаль идарәсе белгечләре тәшкил итте. Экологик темага 17 хезмәт тапшырылды, шуларның күбесе фәнни-тикшеренү рәвешендә иде. Балалар үз республикаларын төзекләндерү буенча бик күп идеяләр тәкъдим иттеләр. Алар үзләренең мәктәп яны участокларында, шәһәр һәм авыл урамнарында тикшеренүләр, төрле тәҗрибәләр үткәргәннәр. Аларны бигрәк тә калдыкларны сортлау һәм утильләштерү, атмосфера һавасының, инешләрнең һәм сулыкларның, чишмәләрнең, урманнарның һ.б.ларның пычрануы мәсьәләләре кызыксындырган. Шунысы яхшы – алар бу мәсьәләләрне аңлап кына калмыйча, аларны чишү юлларын да эзләгәннәр. Катнашучыларның иң яхшы эшләре дипломнар белән билгеләнде, аларга кызыл китаплар һәм экологик әдәбият бүләк ителде.

“Мин авылны сайлыйм” конкурсы традициягә әверелде, оештыручылар аны арытаба да киңәйтергә ниятлиләр. Аларның әйтүенчә, бу мәктәпне тәмамлаучылар арасында һөнәри ориентация эшләре үткәрү, профессияләрне популярлаштыру һәм аларның социаль әһәмиятен күрсәтү буенча тиңсез мөмкинлек булып тора.

Үзәк территориаль идарә материаллары буенча.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ