Татарстан Республикасы Экология һәм табигать ресурслары министрлыгы

Төньяк территориаль идарәнең ел йомгаклары

2013 елның 5 феврале, сишәмбе

Төньяк территориаль идарәдә булып узган киңәшмәдә 2012 елга йомгак ясалды. Анда Татарстан экология һәм табигый байлыклар министрының инвестиция-инновация эшчәнлеге буенча урынбасары Равил Кузюров, Төньяк территориаль идарә башлыгы Радик Шаһиәхмәтов, Төньяк территориаль идарәнең махсуслашкан аналитик контроль инспекциясе (СИАК) башлыгы Эльвир Гаязов катнашты.

Территориаль идарә башлыгы Радик Шаһиәхмәтов башкарылган эшләргә хисап бирде, узган елда үткәрелгән дәүләти экологик күзәтчелеккә анализ ясады. Атмосфера һавасын, су чыганакларын, җир асты байлыкларын саклау өлкәсендәге эшчәнлекнең төп күрсәткечләрен, җитештерү һәм кулланыш калдыклары белән эш итү күрсәткечләрен атады. Киңәшмәдә махсуслашкан аналитик контроль инспекциясенең Төньяк филиалының атмосфера һавасы, индустрия калдыклары буенча аккредитация өлкәсен объектлар буенча киңәйтү, бу юнәлештә эшләү өчен штат берәмлекләрен арттыру перспективалары да каралды.

Равил Кузюров территориаль идарәнең судлар белән хезмәттәшлеге һәм 2012 елда җаваплылыкка тартылган бозучылар саны белән кызыксынды. Шулай ук табигать саклау законнарын бозучыларга беркетмәләр төзүнең сыйфатына һәм коррупциягә каршы көрәш мәсьәләләренә игътибар юнәлтте. Агымдагы елга бурычларны атады.

Министр урынбасары территориаль идарә эшчәнлегенә “канәгатьләнерлек” дигән бәя бирде һәм муниципаль районнарның әйләнә-тирәлеккә тискәре йогынты өчен түләүләрдән килә торган керемнәр исәбенә муниципаль бюджеттан финанслана торган табигатьне саклау чараларын үтәүләрен аеруча игътибарга алырга киңәш итте.

Төньяк территориаль идарә материаллары буенча.

БАРЛЫК ЯҢАЛЫКЛАРНЫ УКУ