Алабуга эшкуары 300 кв. метрдан артык мәйданлы чүплек ясаган

2020 елның 13 июле, дүшәмбе

Бетон эшләнмә ватыклары, полиэтилен пленка һәм агач калдыклары. Татарстан Республикасы Экология һәм табигать ресурслары министрлыгының Кама буе территориаль идарәсе инспекторлары Алабуга шәһәрендә чүп-чар өеменә тап булган. Экологлар ачыклаганча, якын-тирә участокта җитештерү һәм куллану калдыкларын шәхси эшкуар ташлаган. Санкцияләнмәгән чүплекләрнең гомуми мәйданы – 340 кв. метр, күләме – 160 куб. метр.

Хокук бозучыга карата Административ хокук бозулар турында РФ кодексының 8.2 статьясының 3 өлеше буенча административ хокук бозу турында эш кузгатылган, чүплекне бетерү максатында күрсәтмә биреләчәк.