Татарстан Республикасы Экология һәм табигать ресурслары министрлыгы

Мәктәп балаларының XIII «Зилант» экологик форумы

2013 елның 28 гыйнвары, дүшәмбе

Татарстанның Экологик культура һәм әйләнә-тирәлекне саклау Елы кысаларында Казан шәһәренең Совет районындагы 86нчы аерым фәннәрне тирәнтен өйрәнүле мәктәбендә балаларның XIII “Зилант” экологик шәһәр форумы булып узды. 2013 елгы форумны Татарстан Экология һәм табигый байлыклар министрлыгының Үзәк территориаль идарәсе, Казан ш. Мәгариф идарәсе, Казан (Идел буе) Федераль университеты һәм Казан шәһәренең балалар экология-биология үзәге оештырды.

Форум мәктәп балаларының “Зилант” проекты буенча эшләренә еллык нәтиҗә булып тора, ул 2001 елдан бирле тормышка ашырыла, экологик белем һәм тәрбия бирүдә системалылык кертүгә, мәктәп балаларын укыту һәм тәрбияләүнең күптөрле алымнарын, рәвешләрен файдалануга, шулай ук экологик белем бирүдә бердәм информацион тирәлек формалаштыруга юнәлтелгән.

XIII экологик форумның темасы “Кеше сәламәтлеге һәм экология” дип атала иде. Ул традицион рәвештә биш юнәлештә эш итте: фәнни тикшеренүләр, гамәли сәнгать (фотографияләрнең, рәсемнәрнең һәм гамәли эшләрнең экспресс-күргәзмәсе), белем бирү (әдәби иҗат һәм стена газеталары), күмәк оештыру (агитбригадалар конкурсы) һәм табигатьне саклау. Укучылар үз проектларын якладылар, яшь экологлар буларак үз белемнәрен һәм осталыкларын күрсәттеләр. Аларның эшләрен составына укытучылар, студентлар һәм табигатьне саклау тармагы вәкилләре кергән жюри бәяләде.

Оештыручыларның әйтүенчә, форумның төп максаты булып мәктәп балаларында дөньяга экологик караш формалаштыру һәм аларны экологик-биологик белгечлекләргә профильле әзерләү торган. Форумда җиңүчеләрне һәм конкурс призерларын бүләкләү Экологик марафон кысаларында 2013 апрелендә, шәһәр балаларының экология-биология үзәгендә үткәреләчәк.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ