Үзәк территориаль идарәнең эш йомгаклары

2013 елның 25 гыйнвары, җомга
Татарстан Экология һәм табигый байлыклар министрлыгының Үзәк территориаль идарәсе (ЦТУ) үзенең 2012 елгы эшләренә йомгак ясады. Утырышта Татарстан экология һәм табигый байлыклар министрының беренче урынбасары Рөстәм Камалов катнашты.
Үзәк территориаль идарә башлыгы Илһам Сабиров, узган елдагы эшләр турында хисап биргәндә, ачыкланган бозышларга һәм аларны бетерү юлларына басым ясады. Үзәк территориаль идарә, әйләнә-тирәлекне саклау мәсьәләләре буенча федераль һәм республика дәүләт идарәсе органнары белән тыгыз бәйләнештә торып, әйләнә-тирәлекнең уңай торышын тәэмин итүгә һәм тармакка караган территориягә техноген йөкләнеш кимәлен төшерүгә юнәлтелгән эшләр алып бара.
Хисап дәверендә идарәнең төп тырышлыгы шундый бурычларны үтәүгә юнәлтелде:
– муниципаль берәмлек территорияләренең тиешле санитар-экологик торышын тәэмин итү;
– 2013 елда Казан шәһәрендә узачак Бөтендөнья Җәйге Универсиаданы әзерләү һәм үткәрү чорында экологик куркынычсызлыкны тәэмин итүгә юнәлтелгән эшне дәвам итү.
Идарәнең хисап чорындагы эшләрендә шулай ук Казан һәм район халкы өчен иң актуаль булган мәсьәләләрне чишүгә аерата басым ясалды. Бу исә, беренче чиратта, шулар:
– бигрәк тә Казан шәһәрендә көнкүреш һәм төзелеш калдыкларын оешкан рәвештә җыюның һәм чыгаруның булмавы һәм, нәтиҗә буларак – рөхсәтсез чүплекләр барлыкка килү;
– Казан шәһәренең тарихи үзәгенең санитар-экологик торышын яхшырту мәсьәләсе;
– автотранспорт һәм аерым предприятиеләр тарафыннан атмосфера һавасы пычратылу.
Идарәнең эшенә йомгак ясаганда шуны да билгеләп үтәргә кирәк, – Үзәк территориаль идарә Министрлык буенча барлык тикшерүләрнең һәм административ беркетмә төзүләрнең өчтән береннән артыгын башкарды.
Министрның беренче урынбасары Рөстәм Камалов Үзәк территориаль идарәнең 2012 елгы эшчәнлеген тулаем уңай бәяләде, аны Татарстан Экология һәм табигый байлыклар министрлыгының йөзе дип атады. Аның сүзләренчә, агымдагы елда, алда торган 2013 елгы Бөтендөнья Җәйге Универсиада уңае белән, дәүләти экологик контрольнең сыйфатын күтәрү таләп ителә.
Территориаль идарәләрнең эшчәнлек критерийлары буенча 2012 елда Үзәк территориаль идарә 1нче урынны алган.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International