«Чисталык дәресе»

2013 елның 16 гыйнвары, чәршәмбе
Бүген, Татарстанның Экологик культура һәм әйләнә-тирәлекне саклау Елы чаралары планын тормышка ашыру кысаларында, Татарстан Экология һәм табигый байлыклар министрлыгы, Татарстан Урман хуҗалыгы министрлыгы белән берлектә, Татарстан Мәгариф һәм фән министрлыгы ярдәме белән, барлык муниципаль районнарның һәм шәһәр округларының 200 гомуми белем бирү учреждениесендә, республика-күләм “Чисталык дәресе” экологик белем бирү акциясе үткәрә.
Татарстан экология һәм табигый байлыклар министры урынбасары Андрей Калайда “Аеруча саклаулы территорияләр” дип аталган “Чисталык дәресе”н Казан шәһәренең 86нчы мәктәбендә 3-5 класслар өчен үткәрде.
Дәрес экологиянең нәрсә булуы, әйләнә-тирәбезне саклау өчен һәр кешенең ниләр эшли алуы, аеруча саклаулы территорияләр һәм аларның төрләре турында мавыктыргыч сөйләшү рәвешендә узды. Дәрес барышында укучылар Идел-Кама тыюлыгы турында махсус әзерләнгән фильмны карадылар.
Татарстан Экология һәм табигый байлыклар министрлыгы 86нчы мәктәпкә экология темасына караган әдәбият тупламасы тапшырды.
Республикабызда дүртенче тапкыр үткәрелә торган “Чисталык дәресе”нең төп бурычлары булып яшь буынның экологик белемнәре кимәлен күтәрү, мәктәп балаларында туган як табигатенә сак мөнәсәбәт тәрбияләү, дөньяга экологик караш формалаштыру, Татарстанда өзлексез экологик белем бирү системасын яклау һәм үстерү тора.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International