Татарстан Республикасы Экология һәм табигать ресурслары министрлыгы

Татарстанның Экологик культура һәм әйләнә-тирәлекне саклау Елына багышланган брифинг

2013 елның 15 гыйнвары, сишәмбе

Татарстан Республикасы Министрлар Кабинетында, видеоконференция режимында, Татарстанның Экологик культура һәм әйләнә-тирәлекне саклау Елына багышланган брифинг булып узды, анда Татарстан экология һәм табигый байлыклар министры Артем Сидоров катнашты.

Хәбәр чаралары вәкилләренең сорауларына брифинг барышында шулай ук министрның әйләнә-тирәлекне саклау буенча урынбасары Андрей Калайда, Татарстан Экология һәм табигый байлыклар министрлыгының Үзәк территориаль идарәсе башлыгы Илһам Сабиров җавап бирде.

Үз чыгышында Артем Сидоров Татарстанның Экологик культура һәм әйләнә-тирәлекне саклау Елының рәсми символын тәкъдим итте һәм 2013 елда табигатьне саклау чаралары планнары белән уртаклашты, төп игътибарны иң күренекле һәм әһәмиятле вакыйгаларга юнәлтте.

Быел республиканың бөтен табигатьне саклау комплексына, кызыксынучы министрлыклар, халык һәм җәмәгать оешмалары белән берлектә, әйләнә-тирәлеккә тискәре йогынтыны киметүгә юнәлтелгән төрле чаралар үткәрү, күзәтчелек системасын нәтиҗәле эшләтү һәм республика халкына экологик белем бирү буенча зур эшләр башкарырга туры киләчәк.

Мәгариф һәм фән министрлыгы, Урман хуҗалыгы министрлыгы, Яшьләр эшләре, спорт һәм туризм министрлыгы, иҗтимагый экологик оешмалар һәм ВУЗлар белән берлектә Татарстан Республикасында Экологик культура һәм әйләнә-тирәлекне саклау Елы үткәрү буенча төп чаралар Планы әзерләнгән һәм Татарстан Республикасы Министрлар кабинетында раслатылган. (Министр чыгышының нечкәлекләре министрлыкның сайтында: Матбугат хезмәте, Министрның рәсми чыгышлары.)

Үз чыгышын тәмамлап, Артем Сидоров: Экологик культура һәм әйләнә-тирәлекне саклау Елы кысаларында үткәрергә ният ителгән, форма, эчтәлек буенча күптөрле һәм күпсанлы табигатьне саклау акцияләре безгә профессиясе, яше һәм сәяси ышанулары төрле-төрле булган бик күп халыкның экологик проблемаларны чишәргә, табигатьне саклау буенча конкрет эшләрдә актив катнашырга ихтыяры һәм әзерлеге буенча чынбарлыкны күрсәтер, дип белдерде.

Хәбәр чараларына мөрәҗәгать итеп, ул аларга табигатьне саклау чараларын актив яктыртулары өчен рәхмәт әйтте һәм Татарстанның Экологик культура һәм әйләнә-тирәлекне саклау Елы кысаларындагы чаралар да телеканалларда, электрон матбугатта, газета-журналларда, радиода шулай ук актив яктыртыла барыр, дигән өмет белдерде. Һәм, шул акцияләрдә катнашу һәм аларны яклауның зур уңай резонанс тудыруын һәм бик мөһим булуын исәпкә алып, “Әйдә кешеләр булыйк” шикелле уртак чараларны оештыруда активрак башлангыч күрсәтергә киңәш итте.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ