“Эшләрбез!” бөтенроссия җыештыру проектында катнашучыларны бүләкләү

2012 елның 15 декабре, шимбә
“Эшләрбез!” бөтенроссия җыештыруы 59 регионда уздырылды, анда 70 меңнән артык кеше катнашты. 1900 тонна чүп-чар җыелды, шуның 30%ы яңадан эшкәртүгә озатылды. Акция Let’s Do It дөньякүләм проекты кысаларында тормышка ашырылды. 2012 ел эчендә шундый җыештырулар 96 илдә уздырылды. Планетаны чүп-чардан тазарту хыялына берләшкән миллионнарча кеше хәрәкәтне үз катнашы белән яклады.
Чаллыда бу проект “Чүп-чар бүтәнчә юк” экологик хәрәкәте башлангычы һәм Татарстан Экология һәм табигый байлыклар министрлыгының Кама буе территориаль идарәсе, Чаллы шәһәренең мәгариф һәм яшьләр эшләре идарәсе, Комсомол, Үзәк, Автозавод башкарма комитетлары ярдәме белән тормышка ашырылды.
12 декабрь көнне “Орион яшьләр үзәгендә “Эшләрбез!” бөтенроссия җыештыру проектында катнашучыларны бүләкләү тантанасы булып узды. Аның буенча 15 сентябрьдә ирекле җыештыруга 500 кеше чыккан иде. Иреклеләр арасыннан эко-корпоратив булып 5 коммерция оешмасы, 9 мәгариф оешмасы һәм 20дән артык җәмәгать оешмасы катнашкан иде. 943 капчык чүп-чар җыелды һәм шуларның 302се генә чүплеккә озатылды, ә 4 тонна 119 кг икенчел чимал эшкәртүгә җибәрелде. Чаллыда узган “Эшләрбез!” проекты – вак өлешләр белән, дәүләт, коммерция һәм җәмәгатьчелек структураларының көчләрен берләштереп, зур эш эшләү мисалы ул. Проектны оештыруда “Түбән Кама” Милли паркы, “Эш Лигасы” оешмасы, “Орион” яшьләр үзәге, “Медиа-Үзәк” проекты партнерлары, “Молния 332211” йөк таксие, “Татарстан” бизнес-отеле, “Ува энҗесе”, “Циркуль” типографиясе, “Беренче адымнар” иртә үсеш академиясе, “Планета Фитнес” спорт комплексы, “Акульчев” шәхси предприятиесе катнашты.
Чарада проект активистларына рәхмәт хатлары, экологик юнәлешле әдәбият һәм экосумкалар бүләк ителде.
Кама буе территориаль идарәсе материаллары буенча
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International