Татарстан Республикасы Министрлыклары Татарстан Республикасы Экология һәм табигать ресурслары министрлыгы

«Чыршыны урманда калдырыйк!»

2012 елның 18 декабре, сишәмбе

Балаларның һәм олыларның иң яраткан бер бәйрәме – Яңа ел якынлаша. Ә аның төп бизәге – чибәр чыршыкай.

18 декабрьдә Чаллы шәһәренең Экологик-биологик балалар үзәгендә, Татарстан Экология һәм табигый байлыклар министрлыгының Кама буе территориаль идарәсе ярдәме белән, “Чыршыны урманда калдырыйк!” проектларының муниципаль конкурсы булып узды.

Чыршы – Яңа ел бәйрәменең гүзәл бизәге, әлбәттә. Ләкин ул озакка чыдамый. Уннарча мең ылыслы агач – чыршы һәм нарат, Яңа ел алдыннан киселеп, ике атнадан соң чүп савытларына яисә чүплеккә ыргытыла.

Метр ярым – ике метрлы чыршы яки наратны үстерү өчен исә 10 еллап вакыт кирәк.

Тере чыршыга алмаш бармы соң? Әлбәттә, хәтта берничә.

“Чыршыны урманда калдырыйк!” конкурсы Яңа елның төп бизәген ничек итеп икенчел материаллардан ясау юлларын күрсәтте. Моның өчен тукыма, кәгазь, җеп, йон, сәйлән, энҗе, елтырык, пластик кисәкләрен файдага яратырга кирәк.

Аннан тыш, үткәрелгән чарада чыршы букетлары һәм композицияләре белән өйне бизәү яисә тәрәзә төбендә ылыслы бансай үстерү буенча киңәшләр дә әйтелде.

Конкурста 18 кызыклы һәм үзенчәлекле проект катнашты. “ЦВР” оешмасының оештыру бүлеге мөдире Роза Таминдарова һәм “ДЭБЦ” оешмасы директоры Асия Әхтәмова составындагы жюри җиңүчеләрне билгеләде һәм “Чыршыны урманда калдыр!” конкурсының иң яхшы проекты өчен дипломнар белән түбәндәгеләрне бүләкләде:

7-10 яшь категориясендә:

Алина Овчинникова, 2нче урта мәктәпнең 4нче класс укучысы – I дәрәҗә Диплом

Анастасия Балобанова, “Экологик-биологик балалар үзәге”нең “Чәчәкчелек” берләшмәсендә тәрбияләнүче – II дәрәҗә Диплом

Алина Аркатова, 4нче гимназиянең 2нче класс укучысы – III дәрәҗә Диплом

11-15 яшь категориясендә

Нәргиз Латыйпов, 1нче гимназиянең 5нче класс укучысы – I дәрәҗә Диплом

Андрей Клюшин, Олег Захаров, Костенеево урта мәктәбе укучылары – IIдәрәҗә Диплом

Вера Давыдова, Алабуга 7нче VIII төр махсус (коррекцион) мәктәбе укучысы – III дәрәҗә диплом

Бүтән балаларга конкурста катнашкан өчен грамоталар бирелде.

Кама буе территориаль идарәсе материаллары буенча

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Татарстанда 2026 елда экологик иминлеккә 3 млрд сумга якын инвестициялиләр

«Экологик иминлек» яңа илкүләм проекты кысаларында Татарстан 8 табигатьне саклау инициативасын гамәлгә ашыруны планлаштырган, гомуми финанслау почта 3 млрд.сум. Акчаларның төп өлеше «Россия суы» федераль проектына юнәлдереләчәк, дип хәбәр итте Татарстан Республикасы Министрлар Кабинетында узган брифингта экология министры Азат Җиһаншин.

Татарстан язны киң колачлы экологик кампания белән каршы ала: елгаларны чистартудан алып Кызыл китапка кертелгән лачыннар чыгаруга кадәр

Бүген Татарстан Экология һәм табигый байлыклар министры Азат Җиһаншин Татарстан Республикасы Министрлар Кабинетында узган брифингта чыгыш ясады. Чара санитар-экологик икеайлыкка старт алуга һәм «экологик иминлек»милли проекты кысаларында 2026 елга табигатьне саклау эшләре планнарына багышланган иде.

март, 2026 ел

Экология министры Азат Җиһаншин Экология министрлыгы хезмәткәрләренә күкрәк билгеләре һәм таныклыклар тапшырды

Бүген Татарстан Экология һәм табигый байлыклар министры Азат Җиһаншин структур һәм территориаль бүлекчәләр җитәкчеләре белән атналык аппарат киңәшмәсендә ведомство хезмәткәрләренә күкрәк билгеләре һәм хезмәт таныклыклары тапшырды.

Экологлар Яр Чаллыда санкцияләнмәгән чүплекне теркәгәннәр

Чаллы шәһәре территориясен мониторинглау кысаларында Кама буе идарәсе инспекторлары табигатьне саклау законнарын бозуны ачыкладылар.

ЯҢАЛЫКЛАРГА ЯЗЫЛУ

ФОТОРЕПОРТАЖНЫ КАРАУ Фоторепортаж