“Экология. Экологик саф энергия” конференциясе

2012 елның 7 декабре, җомга
Бүген “Казан ярминкәсе” күргәзмә үзәгендә, “Энергия ресурсларының нәтиҗәлелеге һәм энергия саклау” XIII Халыкара симпозиумы һәм “Энергетика. Ресурсларны саклау” XIV Халыкара махсус күргәзмәсе кысаларында, “Экология. Экологик саф энергия” конференциясе булып узды, аңа Татарстан экология һәм табигый байлыклар министры Артем Сидоров рәислек итте.
Татарстан Экология һәм табигый байлыклар министрлыгы каршындагы Иҗтимагый совет рәисе Анатолий Щеповских һәм министрлыкның Дәүләт экологик экспертизасы һәм әйләнә-тирәлеккә йогынтыны нормалаштыру идарәсе башлыгы Рәис Шаһидуллин модераторлар булдылар.
Конференция эшендә шулай ук Татарстан Экология һәм табигый байлыклар министрлыгыннан, Россия Федерациясе субъектларыннан, предприятиеләрдән, фәнни даирәләрдән вәкилләр, ВУЗ укытучылары, студентлар катнашты.
Энергетик нәтиҗәлелекне күтәрү, ресурслар сарыф итүнең һәм энергия чыганакларын үзләштерүнең яңармалы ресурсларга нигезләнгән рациональ моделенә күчү Россия экономикасын заманчалаштыруда һәм экологик куркынычсызлыкны тәэмин итүдә өстенлекле юнәлеш булып тора. Нәкъ менә яңармалы энергия чыганакларын куллану, энергиянең нәтиҗәлелек потенциалын күтәрү белән беррәттән, продукциянең конкуренциягә сәләтлелеген күтәрергә һәм беренчел энергия ресурсларын янга калдырырга мөмкинлек бирә.
Энергия һәм ресурсларның нәтиҗәлелеген күтәрү политикасы Татарстанның тулай социаль-экономик үсеш стратегиясенең бер өлеше булып кала, шул ук вакытта республикабызның экологик дәүләт политикасын тормышка ашыруда өстенлекле юнәлеш булып тора. Аның төп принциплары – продукция берәмлегенә карата беренчел ресурслар сарыф итүнең өлешчә чыгымнарын минимальләштерү, икенчел һәм яңармалы ресурсларны максималь куллану, продукциянең сыйфатын тәэмин итүче технологик шартларны берсүзсез үтәгән хәлдә әйләнә-тирәлеккә техноген йогынтыны түбәнәйтү.
Конференциядә индустриаль җитештерүнең һәм барлык хуҗалык эшчәнлеге субъектларының әйләнә-тирәлеккә тискәре техноген йогынтысын минимальләштерү һәм әйләнә-тирәлекнең торышын тулаем яхшырту буенча проектлар һәм казанышлар күрсәтелде.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International