Журналистларның һәм сәләтле балаларның эшләре “Россиянең көмеш керәшәсе – үз йортыңнан башла” – 2017 конкурсына кабул ителә
Россия журналистлар берлеге «Природа Алтая» газетасы һәм “Үз йортыңнан башла” иҗтимагый экологик хәрәкәте белән берлектә “Россиянең көмеш керәшәсе – үз йортыңнан башла” – 2017 конкурсын үткәрә, анда экология темасына яза торган журналистлар һәм сәләтле балалар катнаша ала. Конкурс гражданнарның әйләнә-тирә мохит өлкәсендә хокукларын яклауга, экологик культура формалаштыруга һәм халыкка мәгълүмат бирүне яхшыртуга, балаларда һәм яшьләрдә актив тормыш позициясе тәрбияләүгә юнәлтелә. Конкурста катнаша алалар:
- ММЧда экология, әйләнә-тирә мохитне һәм үзеңнең кече ватаныңны саклау темаларына яза торган журналистлар;
- Россия табигате турында нәфис проза язучы авторлар;
- табигать темасына ясый торган яшь рәссамнәр;
- туган илнең матурлыгын сурәтләүче яшь фотографлар.
Конкурс түбәндәге номинацияләр буенча үтә:
1. Басма ММЧ өчен:
- Экологик эзләнү;
- Очерк. Темалар – табигать гармониясе турында һәм үзләренең тормыш юлларын табигатьне саклауга багышлаган кешеләр турында;
- Экологик нәтиҗәле, куркынычсыз һәм энергииясыйдрышлы киләчәк технологияләре турында;
- Фотоочерк һәм фоторепортаж;
- Иң яхшы махсуслаштырылган “яшел” басма;
- Иң яхшы балалар экологик басмасы;
- Иң яхшы региональ “яшел” басма.
2. Эфирлы ММЧ өчен:
- Экология турында иң яхшы телепрограмма (кинофильм) (экологик эзләнү, тормыш юлларын экологиягә багышлаган кешеләр; саклана торган территорияләр, сирәк төрләр);
- Экология турында иң яхшы радиопрограмма (экологик эзләнү, тормыш юлларын экологиягә багышлаган кешеләр; саклана торган территорияләр, сирәк төрләр);
3. Интернет-басмалар өчен:
- Экологик темаларны Интернет чаралар белән тулы һәм төгәл яктырткан өчен;
- Табигать һәм кеше турында иң яхшы интернет-ролик (сюжет);
- Экология турында иң яхшы интернет-портал.
4. Табигать турында нәфис проза һәм шигырьләр авторлары өчен:
- Иң яхшы хикәя (хикәяләр җыелмасы);
- Табигать турында иң яхшы повесть;
- Табигать турында иң яхшы шигырьләр.
Эшләрне 2017 елның 20 декабренә кадәр briolett@yandex.ru һәм prirodaaltai@mail.ru электрон почтасы буенча «Серебряный Стриж России» тамгасы белән җибәрергә кирәк.
Конкурсның нигезләмәсе белән түбәндәге сайтта танышырга мөмкин: http://ruj.ru/contests/pri-podderzhke-szhr/obyavlen-konkurs-ekologicheskikh-zhurnalistov-i-odarennykh-detey-serebryanyy-strizh-rossii-nachni-s-/
ТР ЭТБМ матбугат хезмәте