Фәрит Габделганиев: “Экология министрлыгы инспекторларының катгый контроле булганга күрә, законсыз карьерлар кимеде”
Татарстан Республикасы Экология һәм табигый байлыклар министрлыгының Үзәк территориаль идарәсе инспекторлары тарафыннан Биектау районының Чыпчык авылы янәшәсендә 78 кв.м мәйданлы законсыз карьер табылды. Монда казучылар лицензиясез генә ком чыгаралар, аны чыгару тирәнлеге 6,2 метр тәшкил итә. Әлеге факт РФ Административ хокук бозулар кодексының 7.3 маддәсенең 1 өлеше буенча табигать саклау законын бозу булып тора: “Җир асты байлыкларыннан җир асты байлыкларыннан файдалануга лицензиясез файдалану”. Үзәк территориаль идарә инспекторлары “кара казучы” адресына карата административ беркетмә төзеделәр.
Экологларның җир асты байлыкларыннан файдалану өлкәсендә законнар бозуны ачыклау буенча эшчәнлеге Экология елы кысаларында дәвам итәчәк. “Экология министрлыгы инспекторларының катгый контроле булганга күрә, законсыз карьерлар кимеде. 2016 елда гомумтаралган файдалы казылмаларны законсыз чыгару буенча 140тан артык закон бозу ачыкланган булса, 2017 елда бу сан 18гә кадәр кимеде. Тикшерүләрнең уңай нәтиҗәләре, атап әйткәндә – җир асты байлыкларыннан файдаланучылар тарафыннан лицензия таләпләренең үтәлүе һәм гомумтаралган файдалы казылмаларны законлы чыгару табигый ресурсларны аларга зыян китермичә саклау мөмкинлеге бирә”, - диде Татарстанның экология министры Фәрит Габделганиев.
ТР ЭТБМ мабугат хезмәте