Иртәгә, 13 майда, Әлмәттә “Агачны бергәләп коткарыйк!” табигать саклау акциясе узачак. Макулатура китергән һәр кеше эрбет агачы үсентеләре алачак. Теләүчеләрне сәгать 9да “Нефтьче” культура йорты мәйданында көтәләр. Былтыргы кебек үк, быел да массакүләм акциянең оештыручысы булып Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе тора. Макулатура җыюдан кергән барлык акчаны экологлар традиция буенча Әлмәт районы балалар йортларына җибәрәчәкләр.
ТР ЭТБМ матбугат хезмәте