Мәскәүдә “Әйләнә-тирә мохитне саклауны һәм экологик куркынычсызлыкны тәэмин итүне дәүләт җайга салуы 2017. Яз” XII Бөтенроссия Конгрессы узачак.

10-11 апрельдә Мәскәүдә "Арарат Парк Хаятт" отеленда “Әйләнә-тирә мохитне саклауны һәм экологик куркынычсызлыкны тәэмин итүне дәүләт җайга салуы 2017. Яз” XII Бөтенроссия Конгрессы узачак. Оештыручысы  булып «АСЭРГРУПП» компаниясе тора. Конгрессның программасы ике мөстәкыйль Конференциядән тора. Конгрессның беренче көнендә (10 апрельдә)  “Дәүләт экологик күзәтчелеге, тикшерүләр үткәрү, экологик закон бозулар өчен җаваплылык, экологик җитештерү контроле: 2017 ел новацияләре” Конференциясе узачак.  Конференциядә актуаль темалар каралачак, алар:

• 2017 елда дәүләт экологик күзәтчелеген көчәйтү: хуҗалык һәм башка эшчәнлек субъектларын тикшерүне үткәрү, административ җаваплылык.
• Негатив йогынты объектларын категорияләү критерийлары һәм исәпкә алу тәртибе һәм мөмкин булган иң яхшы технологияләр методын кертү: 2017 елда норматив җайга салу һәм эксперт рекомендацияләре.
• 2017 елда экологик производство контроле: төрле категория объектлар өчен гамәли мәсьәләләрне тикшерү. Экологик производство контроле кысаларында предприятиедә лаборатор тикшерү.
• Сәнәгать предприятиеләренең ташлауларын (чыгармаларын)  аппарат-инструменталь тикшерү: регионнар тәҗрибәсе. Автоматлаштырылган контрольне гамәлгә ашыру механизмын билгеләүче норматив актлар. Җиһаз сайлау. Предприятиеләрдә газоаналитик комплекслар кертү.
• Проект документларына һәм инженерлык тикшеренүләренә дәүләт экспертизасы кысаларында экологик экспертиза.

Конгрессның икенче көнендә (11нче апрельдә) “Җитештерү һәм куллану калдыклары белән эш итү: 2017 елда норматив-хокукый җайга салу, суд практикасы” Конференциясе узачак. Анда актуаль мәсьәләләр каралачак, алар:

• Атмосферага ташлауларның чыганакларына производство контроле: атмосферага чикләүле- мөмкин булган  ташлауларны җыелма исәпләүләрне кертү, квоталау механизмын кертү. Газ чистарту җайланмаларын эксплуатацияләүнең яңа кагыйдәләре. Атмосфера һавасы пычрануны контрольдә тотуның автомат системасы.
• Әйләнә-тирә мохиткә тискәре йогынты өчен түләү. 2017 елда суүткәрү-канализация хуҗалыгы һәм сәнәгать оешмаларының үзара бәйләнешләренең яңа аспектлары.
• Калдыкларны урнаштыру объектларының дәүләт реестрын формалаштыру һәм алып бару. I-IV класс куркынычлы калдыкларны җыю, транспортлау, эшкәртү, утильләштерү, зарарсызлау, урнаштыру буенча эшчәнлекне лицензияләштерү.
• 2017 елда экологик җыюны кертү. Экологик җыюны кертү нәтиҗәсендә бизнеска таләпләр, җитештерүчененң киңәйтелгән җаваплылыгы.
• Җитештерү һәм куллану калдыклары белән эш итү өлкәсендә норматив-хокукый җайга салу буенча закон актларын камилләштерү. Каты комуналь калдыклар белән эш итү буенча эшчәнлекне җайга салуның яңа системасы. Хуҗалык эшчәнлеген экологикләштерү: территориаль схемалар һәм региональ программалар. Калдыклар белән эш итү өлкәсендә эшчәнлекне икътисадый стимуллаштыру.
• 2017 елда су объектларына, үзәкләштерелгән сутараткыч системаларга,  су җыю мәйданнарына һәм җир асты су объектларына пычраткыч матдәләрне һәм микроорганизмнарны чыгарып ташлауларны нормалаштыру. Локаль чистарткыч корылмалар урнаштыру. Өске су объектларыннан файдалануга рөхсәт документларын рәсмиләштерү. ,

Мероприятие программасын формалаштыру, шулай ук программа үзе Россия Хөкүмәтенең аппарат хезмәткәрләре һәм җитәкче составы, Россия ФҖ Дәүләт Думасы, федераль министрлыклар һәм ведомстволар, әйдәп баручы университет һәм институтлар, шулай ук дәүләт оешмалары һәм Россиянең эре компанияләренең әйдәп баручы экспертлары һәм консультантлары  булышлыгы  һәм катнашы белән уза.

Катнашу мәсьәләлре һәм чыгышлар буенча Конгрессның оештыру комитетына мөрәҗәгать итегез: тел.: (495) 971-5681, 988-6115 факс: (495) 988-6115, e-mail: info@asergroup.ru.

ТР ЭТБМ матбугат хезмәте