Татарстанның яшь галимнәре “Кеше экологиясенең актуаль мәсьәләләре: социаль аспектлар” конференциясендә катнаша ала.

2017 елның 15-17 маенда Уфада “Кеше экологиясенең актуаль мәсьәләләре: социаль аспектлар” халыкара фәнни-гамәли конференциясе уза. Катнашырга галимнәр, вуз укытучылары, студентлар, социаль хезмәтләр белгечләре, муниципаль хакимият һәм иҗтимагый берләшмәләр вәкилләре чакырыла.

         Конференция кысаларында кеше экологиясенең социаль аспектлары буенча яшь галимнәрнең фәнни-эзләнү эшләре конкурсы оештырылачак. Конференция түбәндәге юнәлешләр буенча узачак:

• Мәгълүмати киңлекнең социаль-экологик аспектлары: заман чакырулары;
• Хәзерге заман кешесенең экологик кыйммәтләренең социомәдәни үзгәрүләре;
• Россия җәмгыяте киңлекләрендә социаль-хезмәт мөнәсәбәтләре;
• Мәгариф мохитендә кешенең экологик аңын формалаштыру;
• Өлкән һәм картлык яшендәге затларның тормыш сыйфаты;
• Девиант тәртипне профилактикалау һәм төзәтүнең социаль аспектлары;
• Мохиттәге социаль факторларның кеше сәламәтлегенә йогынтысы;
• Социаль чыгышлы экологик һәлакәтләр: гадәттән тыш ситуацияләрдә социаль-медицина эшен оештыру;
• Бүгенге дөньяда социаль-экологик таянычның нигезе буларак гаилә һәм гаилә мөнәсәбәтләре.

Конференция нәтиҗәләре буенча мәкаләләр җыентыклары төзеләчәк.

Конкурсантларның иң яхшы эшләре исә Россиянең Югары аттестация исемлегенә кертелгән рецензияләнә торган фәнни журналларда басылырга мөмкин.

Конференциягә әзерлек һәм үткәрү мәсьәләләре буенча түбәндәге телефон белән мөрәҗәгать итәргә мөмкин: 89174704036

ТР ЭТБМ матбугат хезмәте