Суга сакчыл мөнәсәбәт турында социаль плакат конкурсы старт алды.
Петербург Водоканалы һәм су турында www.da-voda.com интернет-порталы “Су, мин сине яратам” социаль плакат конкурсын башлап җибәрде. Иҗади бәйге төче су дефициты проблемаларына һәм сулыкларның пычрануына җәмәгатьчелекнең игътибарын җәлеп итүгә юнәлтелгән. Конкурста аерым авторлар яки иҗади коллективлар катнаша ала, яшь буенча чикләүләр юк.
Экологик конкурска
- көнкүрештә суны нигезле һәм җаваплы кулланырга өнди торган;
- су чыганакларын пычранудан саклау зарурлыгын күрсәтмәләр белән раслый торган;
- су ресурсларын рациональ булмаган файдалануның һәм кеше эшчәнлегенең су объектларына (елга, күл, диңгез, океаннарга) тискәре йогынтысы нәтиҗәләрен чагылдыра торган эшләр кабул ителә.
Социаль плакатлар 19нчы мартка кадәр konkurs@da-voda.com электрон адресына кабул ителә. Конкурска тәкъдим ителә торган һәр эштә түбәндәге мәгълүмат булырга тиеш: авторның исеме һәм фамилиясе, яше, шәһәре, эшчәнлеге төре, элемтә телефоны, e-mail.
Конкурс нәтиҗәләре Оештыручының рәсми сайтында Су көнендә – 2017 елның 22 мартында басылачак. Конкурсның шорт-битенә кергән плакатлар Шпалерная, 56дагы борынгы суэтүче башнядагы залларның берсендә Су музеенда күргәзмәдә тәкъдим ителәчәк.
ТР ЭТБМ матбугат хезмәте