Татарстан балалары үз республикаларын яклап ярыша ала. Россиянең төрле почмакларыннан мәктәп укучылары өчен “ЭКО-БАТЛ” старт алды.

Татарстан укучылары Бөтенроссия “ЭКО-БАТЛ” видеороликлар конкурсында катнаша ала. Конкурста катнашу өчен, укучыларга http://mediabat.ru виртуаль мәйданчыгында теркәлергә һәм Россиянең экологик куркынычсызлыгы темасына багышланган видеоматериал җибәрергә кирәк.

Эшләр жюри тарафыннан түбәндәге критерийлар буенча бәяләнәчәк:

• идеянең оригинальлеге;
• ролик сюжетының билгеләнгән темага туры килүе;
• материалның яңалыгы (әз билгеле фактлар, урыннар, шәхесләр);
• мәгълүмати эчтәлеклелек;
• сөйләү белән видеорәтнең туры килүе;
• төшерелгән видеоның сыйфаты;
• өстәмә сәнгатьле чаралар куллану.

Видероликларны 2017 елның 10нчы апреленә кадәр җибәрергә мөмкин, йомгаклар 17нче апрельдә ясалачак. Оештыручы – Омск өлкәсенең Мәгариф министрлыгы. Мероприятие экологик культура һәм укучыларның үз әйләнә-тирәсендәге табигать күренешләренә һәм объектларына аңлы-дөрес мөнәсәбәтен формалаштыруга юнәлтелгән.

ТР ЭТБМ матбугат хезмәте