Табигатьтә селфи конкурсы - “Эко-мин! Эко-без! Эко-дөнья!”

Россиядә Экология елында «Чаваш вармане» милли паркы барлык теләүчеләрне «Вдохновение нараспашку» иҗади конкурсында катнашырга чакыра. Конкурс программасы түбәндәге номинацияләр буенча уздырыла:

• Селфи “Эко-мин! Эко-без! Эко-дөнья!” – объектның урнашкан урыны турындагы кыска гына текст белән табигать фонында фоторәсем (һәр катнашучы җибәргән фоторәсем саны өчтән артык була алмый);
• “Оригиналь эшләнгән әйбер” (поделка) – хайваннар яки үсемлекләр дөньясы күренешен тасвирлаучы әйбер (үлчәмнәр, материал һәм башкару техникасы – катнашучы ихтыярында);
• “Китаплар өчен кыстыргыч” (закладка) – хайван яки үсемлек рәвешендә кыстыргыч, мәгълүмати яки танып белү характерында булырга мөмкин (сәнгать алымы һәм башкару техникасы – бәйләү, чигү, рәсем ясау, аппликация һ.б. – катнашучы ихтыярында).

Иҗади эшләрне 2017 елның 20нче апреленә кадәр түбәндәге адрес буенча җибәререгә кирәк: 429170, Чувашия, Шемуршинский район, Шемурша, Космовского ур., 37, экологик агарту, рекреация һәм туризм бүлеге.

Элемтә өчен Чувашиядә телефон: (83546) 2-35-06.

Җиңүчеләрне бүләкләү 28нче апрельдә “Киләчәк хакына бергәләп” (“Вместе во имя будущего”) экологик фестивалендә булачак. Конкурсның иң яхшы фоторәсемнәре оештыручының http://www.npark21.ru сайтында “Галерея” бүлегендә куелачак.

ТР ЭТБМ матбугат хезмәте