“Табигать – безнең йортыбыз”. Азнакайда мәктәпкәчә яшьтәге балалар өчен экологлар дәрес үткәрде.
Азнакайның “Алтын балык” һәм “Чишмәкәй” балалар учреждениеләрендә тәрбияләнүчеләр “Табигать – безнең йорт” темасына ЭКОзанятиедә катнаштылар. Дәресне Татарстан Республикасы Экология һәм табигый байлыклар министрлыгының Ык буе территориаль идарәсе белгече Эльза Вәлиева үткәрде. “Интерактив занятие – балаларда экологик культура тәрбияләүнең иң нәтиҗәле чараларыннан берсе. Хәрәкәтле уеннар, әйләнә-тирә мохит темасына викториналар, театральләштерелгән тамашалар мәктәпкәчә учреждениедә тәрбияләнүчеләргә табигать дөньясына якынаерга ярдәм итә. Шуңа күрә шундый кечкенә яшьтән үк балаларда экологик белемнәр системасын формалаштыру мөһим”, - диде Эльза Вәлиева. Балалар әйләнә-тирә мохитне саклау өлкәсендә үз белемнәрен күрсәттеләр: сорауларга җавап бирделәр, экологик ситуацияләрне хәл иттеләр, “Планетаны бергәләп саклыйк” дигән ярышларда катнаштылар. Ык буе ТИ хезмәткәре билгеләп үткәнчә, экологик дәресләр һәм занятиеләрне даими үткәрү яхшы нәтиҗәләр бирә: балалар әйләнә-тирә мохит турында яхшы белемгә ия, үзләре тирәсендәге үсемлекләр һәм хайваннар турында күзаллыйлар, кешенең табигатькә тискәре йогынтысы турында мөстәкыйль фикер йөртә беләләр.
ТР ЭТБМ матбугат хезмәте